Zakranajučy pytańnie ab akcyznych markach, kiraŭnik dziaržavy padkreśliŭ, što ŭ hetaj situacyi treba było b razabracca ŭradu. «Ale dla mianie važna toje, što heta vialikija hrošy. Heta miljardy, dziesiatki miljardaŭ rubloŭ, jakija pajšli niepasredna ŭ biudžet», — adznačyŭ jon.
Pavodle słoŭ prezidenta, akcyznyja marki — heta tolki pryčyna. «Ja chacieŭ by abmierkavać hetu prablemu bolš šyroka, kab bolš da jaje nie viartacca, a taksama prablemu palihrafičnaj vytvorčaści ŭ cełym u krainie, kab vypracavać kankretnyja, efiektyŭnyja padychody da vyrašeńnia zadač», — skazaŭ Alaksandr Łukašenka.
Havoračy ab vytvorčaści i realizacyi akcyznych marak na tytuniovyja vyraby, kiraŭnik dziaržavy padkreśliŭ, što «ŭ hetym pytańni patrebna jasnaść». Cana takoj akcyznaj marki za karotki pieryjad času vyrasła ŭ 10 razoŭ (z Br4 da Br40), što pryviało da niekatoraha rostu cen na tytuniovyja vyraby i, zrazumieła, moža vyklikać peŭnuju niezadavolenaść pakupnikoŭ.
Tamu, skazaŭ Alaksandr Łukašenka, uźnikajuć pytańni: nakolki abhruntavana i metazhodna dziesiacirazovaje pavieličeńnie koštu akcyznaj marki, jak heta paŭpłyvaje na ekanomiku našych tytuniovych pradpryjemstvaŭ, jak pavialičacca abo źmienšacca pastupleńni ŭ biudžet krainy.
Asablivuju ŭvahu prezident udzialiŭ pytańniu manapalizmu ŭ śfiery vytvorčaści i realizacyi akcyznych marak. Jon adznačyŭ, što heta nazirajecca z boku Ministerstva finansaŭ, kali samo viedamstva źjaŭlajecca zakazčykam, vytvorcam i kantraloram toj pradukcyi, jakuju vyrablaje. Pavodle słoŭ kiraŭnika dziaržavy, bolš pilnaj uvahi patrabuje i sama vytvorčaść akcyznych marak, kali vykarystoŭvajucca hałahramy, zabiaśpiečvajecca vysoki ŭzrovień abarony. «Darečy, u nas akcyznaja marka abaroniena lepš, čym hrošy ŭ niekatorych krainach», — padkreśliŭ prezident. Pry hetym jon dadaŭ: «A ci patrebny nam takija zvyšabaronienyja marki? Adnaznačna — patrebny, ale heta ž cana».
Zakranajučy pytańnie pryciahnieńnia dziaržaŭnych struktur da vytvorčaści hetych marak, Alaksandr Łukašenka adznačyŭ, što ŭ hetaj śfiery pracuje vielmi šmat takich pradpryjemstvaŭ, jakija isnujuć za košt biudžetnych srodkaŭ. Prezident padkreśliŭ nieabchodnaść bolš detalovaha abmierkavańnia pytańniaŭ dziejnaści vydaviecka‑palihrafičnych pradpryjemstvaŭ, asabliva ŭ płanie dziaržzakazu. «Ja maju na ŭvazie padručniki, časopisy, viedamasnyja časopisy, narmatyŭna‑pravavyja akty. My damovilisia, što budziem takuju pradukcyju vyrablać u dziaržaŭnych drukarniach», — skazaŭ prezident. Ale pakul Nacyjalny bank, Ministerstva pa padatkach i zborach drukujuć svaje narmatyŭna‑pravavyja akty ŭ pryvatnych drukarniach.
Źviartajučysia da kiraŭnictva Kamiteta dziaržaŭnaha kantrolu, Alaksandr Łukašenka adznačyŭ, što da hetaha pytańnia nieabchodna budzie viarnucca jašče raz.
