U parku imia 50-hodździa Kastryčnika ŭ minułym siezonie demantavali atrakcyjony «Soniejka» i «Pijanierskija areli».
Sioleta na ich miescy pabudavanyja łancuhovaja karusiel «Mulciaški» i dziciačy «Mini-džet», a taksama atrakcyjon «Latučaja talerka» dla padrostkaŭ i darosłych.U centralnym dziciačym parku imia M. Horkaha taksama prybrali stary atrakcyjon «Arbita».
Supracoŭniki UP «Haradskija parki Minskzielanbuda» raspaviali, što ŭ paraŭnańni ź minułym siezonam košt na kvitki vyras na 30%.Ciapier samy darahi atrakcyjon - novy «Zihzah» u parku Čaluskincaŭ, prakacicca na im kaštuje 15 tysiač rubloŭ. A samymi tannymi pa-raniejšamu zastajucca kvitki ŭ «Pakoj śmiechu» - naviedać jaho možna za 3 tysiačy.
«Dla šmatdzietnych siemjaŭ dziejničaje źnižka 30%, - nahadvaje načalnik adździeła kulturna-masavaj raboty Lidzija Viežnaviec. - Kab jaje atrymać, baćki pavinny pakazać na kasie pašpart i paśviedčańnie».
Jašče ŭ hetym hodzie ŭpieršyniu ŭvodzicca abaniemient -
kožny naviedvalnik moža nabyć t. zv. abjadnany kvitok i bolš nie stajać u čerhach. Akramia taho, taki kvitok dapamahaje aščadzić kala 10%, dziejničać jon budzie ŭ dvuch staličnych parkach - Horkaha i Čaluskincaŭ.
UP "Haradskija parki Minskzielanbuda" kiruje čatyrma staličnymi parkami - Horkaha, Čaluskincaŭ, 50-hodździa Kastryčnika i 900-hodździa Minska, u jakich ekspłuatujucca bolš za 40 atrakcyjonaŭ.
Parki Horkaha i Čaluskincaŭ buduć pracavać štodzionna z 11:00 da 21:00, park imia 50-hodździa Kastryčnika - da 19:00.
A voś pryvatny park Dreamland adkryjecca 1 maja.
0
0
0
0
0
0
