Patrabavańnie Jeŭrasajuza (ES) da Biełarusi vyzvalić palitviaźniaŭ nikudy nie źnikła, a Litva čakaje ad Minska prahresu, zajaviŭ litoŭski ministr zamiežnych spraŭ, były pasoł u Biełarusi Linas Linkiavičus.
«My budziem supracoŭničać, ale my čakajem prahresu i razumieńnia ź biełaruskaha boku. My budziem staracca, kab Biełaruś nie addaliłasia ad jeŭrapiejskaha kirunku. Bo pazicyja ES adnosna palitviaźniaŭ nikudy nie źnikła, adroźnieńni ŭ padychodzie i acenkach taksama zastalisia», — skazaŭ ministr u čaćvier BNS.
Delfi nahadvaje, što ŭ Biełarusi 11 palitviaźniaŭ, a ŭ dačynieńni da 38 čałaviek dziejničajuć tyja ci inšyja miery kryminalnaha pieraśledu.
ES patrabuje ad Minska nieadkładna vyzvalić palitviaźniaŭ, spynić pieraśled hramadzianskaj supolnaści i niezaležnych ŚMI.
0
0
0
0
0
0