Pra heta «Jeŭraradyjo» paviedamiła krynica ŭ kancernie. Michaił Łuzin u «Biełenierha» kuryruje pytańni źniešnieekanamičnaj dziejnaści i inviestycyj, a taksama zakupki tavaraŭ dla budaŭnictva «pad kluč».
Jaho zatrymańnie moža być źviazana z rasśledavańniem kryminalnaj spravy pa zryvu terminaŭ pastaŭki i ŭvodu ŭ ekspłuatacyju paraturbinnaj ŭstanoŭki dla Biarozaŭskaj DRES. Spravu rasśleduje Śledčy kamitet Biełarusi. Darečy, u SK naŭprost zatrymańnie Jeŭraradyjo nie paćvierdzili, ale i nie abvierhli.
Pradstaŭnica Śledčaha kamiteta Julija Hančarova: «Na padstavie analizu atrymanych dokazaŭ, śledstva miarkuje, što ŭ dziejańniach słužbovych asobaŭ Ministerstva enierhietyki Respubliki Biełaruś, AAT «Biełenierhazabiespkamplekt» i «Biełenierha» ŭhledžvajecca skład złačynstva, praduhledžanaha artykułam 428 Kryminalnaha kodeksa Biełarusi — słužbovaja chałatnaść. Pa spravie pryznanyja padazravanymi šerah słužbovych asob dziaržaŭnaha abjadnańnia «Biełenierha» i AAT «Biełenierhazabiespkamplekt».
Na dumku śledstva, nienaležnaje vykanańnie słužbovymi asobami svaich abaviazkaŭ pryviało da zaklučeńnia damovy na pastaŭku abstalavańnia z kampanijaj, jakaja raniej paraturbinnyja ŭstanoŭki zajaŭlenych paramietraŭ nie vyrablała i pa svaich finansava-ekanamičnych pakazčykach nie mahła harantavać vykanańnia damoŭnych abaviazkaŭ u naležnyja terminy.
Nahadajem, što 16 krasavika ŭ biełaruskaha kiraŭnika prajšła narada pa raźvićci enierhietyki. Na joj Łukašenka zajaviŭ, što enierhietyki zbudavali svaju dziaržavu ŭ dziaržavie dy jašče «z elemientami bandy i mafii». 18 krasavika byli zvolnienyja ministr enierhietyki Alaksandr Aziarec, jaho pieršy namieśnik Eduard Taŭpianiec i hienieralny dyrektar «Biełenierha» Alaksiej Šyrma.
22 krasavika novym ministram enierhietyki staŭ Uładzimir Patupčyk, a Jaŭhien Voranaŭ uznačaliŭ «Biełenierha».