Rehistracyja na centralizavanaje testavańnie ŭ 2013 hodzie budzie pravodzicca z 2 maja pa 1 červienia. Punkty rehistracyi na CT u budnyja dni buduć pracavać z 9:00 da 19:00. Zarehistravacca možna budzie i ŭ subotu 24 maja i 1 čiervienia z 9:00 da 18:00.
U Biełarusi buduć dziejničać 72 punkty rehistracyi i zdačy CT, pry hetym u Minsku znachodzicca 31 ź ich. Poŭny śpis ustanoŭ navučańnia, dzie možna zarezistravacca i zdać CT ź pieračniem pradmietaŭ i kantaktnymi i bankaŭskimi dadzienymi dla apłaty źmieščany na sajcie Respublikanskaha instytuta kantrolu viedaŭ.
Dla ŭdziełu ŭ centralizavanym testavańni treba pryjści ŭ punkt rehistracyi z paśviedčańniem asoby i kvitancyjaj ab apłacie i zapoŭnić admysłovuju zajavu. Paśla ŭdzielniku vydajecca propusk na testavańnie.
Kožny ŭdzielnik moža zarehistravacca nie bolš čym na try pradmiety: na test pa biełaruskaj ci ruskaj movie i dva profilnych pradmiety. Da zakančeńnia terminu rehistracyi možna zdać ci abmianiać propuski na CT.
Cana zdačy adnaho pradmieta — 10 tysiačaŭ rubloŭ. Ad hetaha ŭnioska vyzvalajucca invalidy, dzieci-siroty, dzieci, jakija zastalisia biez baćkoŭskaj apieki, dzieci sa šmatdzietnych siemjaŭ i ź siemjaŭ vajennasłužačych, rabotnikaŭ orhanaŭ MUS, jakija zahinuli abo stali invalidami pry vykanańni voinskich i słužbovych abaviazkaŭ, vyzvalenyja ad vypłaty ŭnioska.
