Napiaredadni dziaržaŭnych i relihijnych śviataŭ minskaja milicyja ličyć nieabchodnym nahadać haradžanam i haściam stalicy ab razumnaj pilnaści i nieabchodnaści vykanańnia elemientarnych mier biaśpieki.
«My zaklikajem hramadzian z razumieńniem pastavicca da prymanych mier pa arhanizacyi biaśpieki, a taksama prosim akazvać pravaachoŭnym orhanam sadziejańnie i dapamohu, — adznačaje namieśnik načalnika HUUS Minharvykankama Alaksandr Ioskin.
— Prajaŭlajučy pilnaść, treba źviartać uvahu na padazronych asob, pradmiety, lubyja drobiazi i paviedamlać ab hetym supracoŭnikam pravaachoŭnych orhanaŭ. Nie pavinna zastavacca biez uvahi źjaŭleńnie nieznajomych asob i aŭtamabilaŭ, sumniŭnaja razhruzka niejkich miaškoŭ abo skryniaŭ.Treba pamiatać, što, zdavałasia b, biaśpiečny źniešni vyhlad biezhaspadarčaha pradmieta moža ŭtojvać jaho sapraŭdnaje pryznačeńnie».
«Zabytyja» i pakinutyja rečy nie treba pieramiaščać i ahladać samastojna, abaviazkova treba vyklikać milicyju abo źviarnucca da najbližejšaha supracoŭnika pravaachoŭnych orhanaŭ. Pryčym takija pavodziny pavinny stać normaj žyćcia dla luboha žychara vialikaha horada i nie tolki.Pavodle słoŭ pradstaŭnika HUUS, u jakaści kamuflažu dla vybuchovych pryład złamyśnikami mohuć vykarystoŭvacca zvyčajnyja bytavyja pradmiety, sumki, pakiety, skrutki, karobki, parasony, cacki i h.d.
Alaksandr Ioskin padkreśliŭ, što takija zaściarohi ni ŭ jakoj miery nie nakiravanyja na nahniatańnie tatalnaj padazronaści i strachu.
0
0
0
0
0
0