2 maja, kiraŭnictva AAT «Baranavičychlebapradukt» narešcie prakamientavała situacyju vakoł KPS «Uschodni», paviedamlaje «Intex-press».
Pa słovach načalnika KPS «Uschodni» Hieorhija Chomčanki, pracent moru za apošni miesiac skłaŭ 6,2%, u toj čas jak pa normach hety pakazčyk nie pavinien pieravyšać 15%.
«Mor śviniej na padobnym pradpryjemstvie, kali jon u miežach normy, — šarahovaja źjava. Śvińni chvarejuć amal kožny miesiac — dla bujnoha pradpryjemstva, mahutnaść jakoha bolš za 80 tysiač hałoŭ, heta narmalna. Nie razumieju, čamu z hetaha razdźmuli taki skandał? Chtości, napeŭna, ubačyŭ, jak zakopvajuć śvińniu i spałochaŭsia», — raspavioŭ «IP»Hieorhij Chomčanka. Pavodle jaho słoŭ, «zabita było ŭsiaho 5-7 śviniej, vyklučna kab uziać materyjał dla łabaratornaha daśledavańnia».
Chvorym śvińniam pastavili aficyjny dyjahnaz — u ich byŭ vyjaŭleny reśpiratorna-repraduktyŭny sindrom śviniej. Łabaratornyja daśledavańni pravodzilisia jak u biełaruskich, tak i rasijskich łabaratoryjach.Jak śćviardžajuć abłasnyja i rajonnyja vieturačy, zachvorvańnie heta nie ličycca niebiaśpiečnym.
Pa słovach Hieorhija Chomčanki, chvorych śviniej zaraz lečać, a masavaje źniščeńnie žyvioł i apaviadańni śviedkaŭ ab tym, jak «u tranšei parasiat žyŭcom kidali» — nie bolš, čym vydumka.
Čamu ž padjezdy da kompleksu niekalki dzion achoŭvała milicyja, kali ničoha ekstraardynarnaha ŭ tym, što adbyvajecca na kompleksie nie było, a mor śviniej — šarahovaja źjava?
«Ja nie viedaju, moža być DAI pravodziła niejkuju akcyju», — vykazaŭ mierkavańnie Hieorhij Chomčanka.
