Pieršy Nacyjanalny skaŭcki Džambary Biełarusi projdzie ŭ vakolicach Połacka z 5 pa 13 lipienia 2013 hoda, paviedamlaje ximik.info.
U prahramu Džambary (u pierakładzie ź indziejskaha «schod usich plamionaŭ») uvachodziać: cyrymonija adkryćcia i zakryćcia, fiestyval kultur, vystavy, tematyčnyja skaŭckija hulni, ekskursii ŭ Połack i mnohaje inšaje.
Udzieł u mižnarodnym źlocie skaŭtaŭ zmohuć pryniać členy Biełaruskaj respublikanskaj skaŭckaj asacyjacyja va ŭzroście ad 8 da 17 hadoŭ.
Junych prychilnikaŭ tvorčaści Fienimora Kupiera, jakija marać navučycca biespamyłkova vyznačać ślady źviaroŭ u lesie i aryjentavacca na nieznajomaj miascovaści, čakajuć dzieviać niezabyŭnych dzion na pryrodzie, hrandyjoznyja hulni i ekstremalnyja vyprabavańni, a taksama znajomstva sa skaŭtami ź inšych krain.
Rehistracyja ŭdzielnikaŭ budzie pravodzicca da 15 maja!
Dakumienty i dadatkovuju infarmacyju, možna znajści tut.
Biełaruskaja respublikanskaja skaŭckaja asacyjacyja isnuje ŭ našaj krainie bolš za 20 hadoŭ. Siońnia arhanizacyja naličvaje bolš za 1.000 dziejučych skaŭtaŭ, a ŭsiaho za čas isnavańnia ŭ jaje šerahach pabyvali kala 30 tysiač čałaviek.
Historyja moładzievaha skaŭckaha ruchu naličvaje bolš za sotniu hadoŭ. Zasnavalnikam suśvietnaj skaŭtynhu staŭ brytanski aficer Robiert Stafiensan Śmit Baden-Paŭeł.U 1907 hodzie jon upieršyniu arhanizavaŭ łahier dla chłopčykaŭ, dzie jany vyvučali śviet raślin i žyvioł, vučylisia akazvać pieršuju miedycynskuju dapamohu i dziejničać u ekstremalnych umovach.
