Mitrapalit Minski i Słucki, Patryjaršy Ekzarch usiaje Biełarusi Fiłaret źviarnuŭsia ź vielikodnym pasłańniem da biełaruskaha naroda. Tekst jaho pasłańnia prychodzicca na sajcie sobor.by
U pasłańni, u pryvatnaści, havorycca:
My časta skardzimsia na niedaskanałaść navakolnaha śvietu. Ale pieramiena hetaha śvietu da lepšaha nie moža adbycca raniej, čym my sami pasprabujem zrabić jaho lepšym, pačaŭšy z samich siabie.I ŭ Chryście my majem realnuju mahčymaść pieramianić svajo žyćcio.
Tolki ad nas zaležyć, ci zachočam my ŭstać na baraćbu za svaju dušu, za našy siemji, za naš narod — a ci dazvolim našamu žyćciu pastupova pieratvaracca ŭ piekła.
Haspodź usio daŭ nam dla taho, kab my stali spadkajemcami Jaho pieramohi. Mužajciesia: Ja pieramoh śviet (In. 16: 33), — havoryć Jon.
Hety zaklik źviernuty nie tolki da apostałaŭ. Jon źviernuty i da nas z vami, žycharoŭ sučasnaj Biełarusi.Carkva stvorana Boham dla taho, kab usie my mahli čerpać ź Jaje siły na šlachu da bohazapaviedanaha miru. Nam dadzieny Tainstvy Spoviedzi i Pryčaścia, źviartajučysia da jakich, my zadajom rytm duchoŭnaha žyćcia, rytm pieramohi nad hrachom.
Miłaść Božaja tvoryć cudy ŭ našaj rodnaj Biełarusi, uvaskrašajučy dušy ludziej, vyryvajučy ich z putaŭ rospačy i hrachu, biaźvierja i nianaviści. Ale hałoŭnaja radaść našaha žyćcia — Carkva Chrystova. Ja vieru, što pakul biełarusy buduć zachoŭvać u svajoj śviadomaści paniaćcie pra śviataść Carkvy, Boh nie pakinie nas.
Mitrapalit Fiłaret taksama źviartajecca da suajčyńnikaŭ za miažoj:
Ja vitaju z Paschaj Chrystovaj našych suajčyńnikaŭ, jakija znachodziacca za miežami Radzimy. Vaša pamiać pra Biełaruś i jaje Carkvu, vaša praca i malitvy vielmi važnyja dla nas.
0
0
0
0
0
0
