U sudzie Centralnaha rajona Minska słuchajecca «sprava finansistaŭ». Jak paviedamili BiełaPAN u sudzie, sudovy razbor pačaŭsia ŭ druhoj pałovie krasavika. Pa hetaj spravie prachodzić u tym liku były staršynia nahladalnaha savieta AAT «Technabank» Uładzisłaŭ Kacarenka; usiaho — vosiem fihurantaŭ.
Siarod vystaŭlenych im abvinavačańniaŭ — kradziež šlacham złoŭžyvańnia słužbovymi paŭnamoctvami, niezakonnaja pradprymalnickaja dziejnaść, uchileńnie ad vypłaty padatkaŭ, machlarstva, padroblivańnie dakumientaŭ.
Nahadajem, z abvinavačańnia vynikaje, što Kacarenka dapamahaŭ kiraŭnikam pryvatnych kampanij uchilacca ad vypłaty padatkaŭ, padavaŭ pryvatnym kampanijam padroblenyja dakumienty i rekvizity padkantrolnych jamu łžepradprymalnickich struktur — rezidentaŭ Rasii i Vialikabrytanii, arhanizavaŭ niezakonny abmien valuty ŭ vialikich maštabach.
Uron u vyhladzie niavypłačanych padatkaŭ aceńvajecca ŭ 7 młrd. rubloŭ, niezakonny dachod, atrymany hrupaj ad usich vidaŭ niezakonnaj dziejnaści, — u 417 młrd. rubloŭ.
Kacarenka byŭ zatrymany 2 sakavika 2012 hoda.
