Premjer-ministr Rasii Dźmitryj Miadźviedzieŭ padpisaŭ rasparadžeńnie ab spynieńni dziejańnia damovy pamiž Rasijaj i Azierbajdžanam ab tranzicie azierbajdžanskaj nafty, paviedamlaje «ITAR-TASS» sa spasyłkaj na dakumient, apublikavany na aficyjnym partale pravavoj infarmacyi. Pahadnieńnie ab tranzicie było padpisana ŭ Maskvie ŭ 1996.
Jak rastłumačyŭ aficyjny pradstaŭnik rasijskaj kampanii «Tranśniefť» Ihar Dziomin, na praciahu apošnich piaci hadoŭ Azierbajdžan nie vykonvaŭ umovy hetaha mižuradavaha pahadnieńnia, tranzitujučy ŭ dva razy mienš syraviny, čym zakładziena ŭ dakumiencie.
Pahadnieńnie praduhledžvała prapampoŭku 5 młn ton azierbajdžanskaj nafty, adnak faktyčnyja abjomy nie pieravyšali 2 młn ton u hod, i tamu dachody ad hetaha tranzitu, maŭlaŭ, nie pakryvali vydatkaŭ «Tranśniefti» na padtrymańnie trubapravoda ŭ naležnym technałahičnym stanie.
Hetaje rašeńnie Maskvy moža być palityčnym. Azierbajdžan nie ŭvachodzić u zonu ŭpłyvu Rasii i ŭsie apošnija hady imknuŭsia dyviersifikavać šlachi ekspartu svaich nafty j hazu.
