Kolkaść zarehistravanych uciekačoŭ ź Siryi na 17 sakavika 2013 hoda skłała 1 młn. 515 tys. 639 čałaviek, havorycca ŭ dakładzie Upraŭleńnia Viarchoŭnaha kamisara AAN pa spravach uciekačoŭ.
Dźvie traciny ź ich pakinuli krainu z pačatku hoda, što śviedčyć pra paharšeńnie stanovišča, havorycca ŭ dakumiencie. Darečy, pavodle Vikipiedyi, u Siryi ŭ 2009 h. pražyvyvali 20 młn čałaviek.
Pa dadzienych ahienctva, 473 587 čałaviek znajšli prytułak u Iardanii, 470 457 u Livanie, 347 157 u Turcyi, 147 464 u Iraku, 66 922 u Jehipcie, 10 052 u inšych dziaržavach Paŭnočnaj Afryki.
Da siońnia hetyja ličby vyraśli, bo biežancy prybyvajuć pastajanna, da taho ž, daloka nie ŭsie paśpieli zarehistravacca na momant składańnia dakładu.
Akramia taho, kala 4 250 000 čałaviek stali pieramieščanymi asobami ŭnutry Siryi.
Kolkaść zahinuŭšych z pačatku hramadzianskaj vajny ŭ sakaviku 2011 hoda pa dadzienych AAN dasiahnuła 80 tysiač čałaviek.
0
0
0
0
0
0
