Biełaruski «Kryštal» uvajšoŭ top-10 harełak, što najlepš pradajucca ŭ śviecie 5

Harełka «Kryštal» adnajmiennaha minskaha zavoda znoŭ uvajšła ŭ top-10 harełak, što najlepš pradajucca ŭ śviecie, zhodna ź viersijaj The Millioners Club.

Kali letaś brend zaniaŭ dziaviataje miesca, to sioleta pieramiaściŭsia na siomaje, pakazaŭšy pavodle vynikaŭ 2012 hoda pryrost vytvorčaści ŭ 12%. Pra heta BiełaPAN paviedamili ŭ pres-słužbie kancerna «Biełdziaržcharčpram».

U ahulnym rejtynhu ŭsich ałkaholnych napojaŭ, jakija pradajucca, «Kryštal» pieramiaściŭsia z 41-ha na 36-je miesca. U rejtynh uvajšli jašče dva vytvorcy «Biełdziaržcharčprama» — AAT «Viciebski ŁHZ «Prydźvińnie» i AAT «Hrodzienski ŁHZ». Praŭda, kali «Prydźvińnie» padniaŭsia sa 134-ha miesca na 128-je, to Hrodzienski ŁHZ apuściŭsia sa 159-ha na 174-je miesca.

Pradukcyja AAT «Viciebski ŁHZ «Prydźvińnie» ŭvajšła ŭ top-30 harełak, što najlepš pradajucca ŭ śviecie, zaniaŭšy 27-je miesca (u 2012-m hodzie abjom vytvorčaści vyras na 13%), tady jak letaś jana była na 39-j pazicyi. Na 44-m miescy harełka Nemanoff (Hrodzienski ŁVZ), jaje abjom vytvorčaści letaś vyras na 1%.

Lidarskija pazicyi pa suśvietnym prodažy nie pieršy hod utrymlivaje karejski soždu Jinro. A harełka Smirnoff była źmieščana z druhoha miesca na treciaje. Sioleta jaje pazicyju zaniaŭ brendzi Emperador.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH