 Arnold Mery |
Prakuratura Paŭdniovaj akruhi Estonii nakiravała ŭ sud spravu ŭ sud na minułym tydni. Mery vinavaciać u padrychtoŭcy departacyi žycharoŭ vostrava Chijumaa ŭ sakaviku 1949 h.
Prakuratura zaznačaje, što 25 sakavika 1949 h. na vostravie Chijumaa savieckija ŭłady zatrymali 251 mirnaha žychara. Na nastupnuju ranicu ich nakiravali ŭ port Pałdyski, a adtul – na prymusovaje pažyćciovaje vysialeńnie ŭ Sibir.
Pavodle źviestak prakuratury, z 25 pa 27 sakavika 1949 h. z Estonii byli vysłanyja 20 702 čałavieki. Kala 3 tys. zatym zahinuli ŭ Sibiry.
Arnold Mery ŭ toj hod byŭ čalcom CK estonskaj kampartyi i sakratarom CK Kamsamołu respubliki.
Sam jon nie admaŭlaje, što ŭ 1949 h. byŭ nakiravany na Chijumaa pa zadańni kamsamolskaj arhanizacyi, kab kantralavać praces pierasialeńnia.
Pažyćciovaje źniavoleńnie?
Adnak vinavatym Arnold Mery siabie nia ličyć. Jon śćviardžaje, što nie ŭdzielničaŭ ŭ padrychtoŭcy departacyi, a tolki praviaraŭ śpisy ludziej, jakija padlahali pierasialeńniu.
Kali abvinavačańniu ŭdasca dakazać, što Mery kiravaŭ i kantralavaŭ praviadzieńnie departacyi na vostravie Chijumaa", jamu pahražaje pažyćciovaje źniavoleńnie.
Arnold Mery ŭ 1941 h. staŭ pieršym estonciem, jaki atrymaŭ zvańnie Hieroja Savieckaha Sajuzu. Jon udzielničaŭ ŭ bajach u Pskoŭskaj vobłaści i byŭ čatyry razy paranieny, ale nie pakinuŭ pola boju.
U 1951 h. partyjnaje kiraŭnictva atrymała danos na Mery i paličyła, što jon niedastatkova aktyŭna ŭdzielničaŭ u departacyi na Chijumaa. U vyniku jaho vyklučyli z partyi i pazbavili ŭznaharod.
Praź piać hadoŭ jaho adnavili ŭ partyi i viarnuli ŭznaharody.
Zaraz stryječny brat pieršaha prezydenta Estonii Lenarta Mery kiruje Antyfašysckim kamitetam krainy.
