Pa stanie na 1 maja 2013 hoda na składach pramysłovych pradpryjemstvaŭ Biełarusi nazapašana hatovaj pradukcyi na 33 trłn. 359,4 młrd. rubloŭ.
Jak paviedamlaje Biełstat, abjom nierealizavanaj pradukcyi skłaŭ 82,4% siaredniamiesiačnaha abjomu vytvorčaści, pavialičyŭšysia za krasavik na 2,7% (na 1 maja 2012 hoda — 49,7%).
Najbolšyja suadnosiny zapasaŭ hatovaj pradukcyi i siaredniamiesiačnaha abjomu vytvorčaści skłalisia pa vidach ekanamičnaj dziejnaści «Vytvorčaść skury, vyrabaŭ sa skury i vytvorčaść abutku» (268,1%), «Vytvorčaść mašyn i abstalavańnia» (205,3%), «Tekstylnaja i šviejnaja vytvorčaść» (181,4%).
U hornazdabyŭnoj pramysłovaści hety pakazčyk skłaŭ 16,2% (na 1 krasavika 2013 hoda — 17,4%), u apracoŭčaj — 94,3% (91,8%), u tym liku ŭ charčovaj pramysłovaści — 72,5% (76,3%), drevaapracoŭčaj halinie — 85,7% (75,7%),
Na pradpryjemstvach pa vytvorčaści humovych i płastmasavych vyrabaŭ suadnosiny zapasaŭ pradukcyi da siaredniamiesiačnaha abjomu vytvorčaści skłali 114,6% (109,8%), u mietałurhičnaj vytvorčaści — 82,1% (78,9%), vytvorčaści elektraabstalavańnia, elektronnaha i aptyčnaha abstalavańnia — 118% (109,8%), transpartnych srodkaŭ i abstalavańnia — 152,3% (148,9%), inšych halinach pramysłovaści — 73% (71,3%).
