Kali raniej pra hvałt z boku pryjomnaha baćki-vychavalnika zajaŭlali 4 dziaŭčynki, to ciapier śledstva vyjaviła, što traich dziaŭčynak hvałtavaŭ i 17-hadovy rodny syn vychavaciela. Pra heta paviedamiła krynica, blizkaja da śledstva. Usiaho ŭ pryjomnaj siamji, nahadajem, vychoŭvałasia 13 pryjomnych dziaciej i dvoje ŭłasnych.
U vyniku śledčych dziejańniaŭ było ŭstanoŭlena, što rodny syn pryjomnaha vychavalnika ŭstupaŭ u pałavuju suviaź ź dziaŭčatkami 2000, 2001 i 2006 h.n. Ciapier vyrašajecca pytańnie ab zaviadzieńni na jaho kryminalnaj spravy.
Akramia taho, vyrašajecca pytańnie ab zaviadzieńni kryminalnaj spravy ŭ dačynieńni da maci-vychavalnicy, jakaja, na dumku śledstva, mahła viedać pra hvałt nad dziaŭčatkami.
U chodzie dopytaŭ pryjomnych dziaciej taksama ŭstanoŭlena, što maci-vychavalnica sistematyčna biła ŭsich dziaciej pałkaju za najmienšuju pravinu. Naprykład, najmienšaje dzicia 2009 hoda naradžeńnia raskazała, što vychavalnik tak źbiŭ jaho letaś, što navat złamaŭ ab jaho kijok.
Śledčyja dziejańni praviali i z supracoŭnikami Śvietłahorskaha adździeła adukacyi: niekatoryja z supracoŭnikaŭ dapytanyja ŭ jakaści śviedak, nieabchodnyja śledstvu dakumienty ŭ adździele adukacyi kanfiskavanyja. Ciapier vyvučajecca pytańnie ab tym, nakolki funkcyjanalnyja abaviazki słužbovych asob, jakija prymali rašeńni pa hetym dziciačym domie i kantralavali jaho, adpaviadali zakanadaŭstvu. Dziejańniam supracoŭnikaŭ adździeła adukacyi budzie dadziena pravavaja acenka.
