Biełaruski dziaržaŭny cyrk
Biełdziaržcyrk płanuje padrychtavać prahramu dla darosłych. Pra heta paviedamiŭ hałoŭny režysior cyrka Sierž Bandarčuk padčasanłajn-kanfierencyi na sajcie BIEŁTA.
«Kali dyrektar Taćciana Mikałajeŭna Bandarčuk dazvolić i ŭ jaje chopić siłaŭ na ŭvieś vielizarny abjom pracy, jaki my zapłanavali, to my ŭpieršyniu, akramia asnoŭnaj prahramy, zrobim cyrk dla darosłych.
Naprykład, my zrobim takuju prahramu ŭviečary, prykładna ŭ 21.00, paśla dvuch abo troch dzionnych śpiektaklaŭ. Chočacca pakazać šou ŭzroŭniu Viehasa,a dla dziaciej heta moža być sumnym», — adznačyŭ hałoŭny režysior.
Sierž Bandarčuk skazaŭ, što admovicca ad numaroŭ z sabakami, małpami i padobnych im niemahčyma, ich lubiać dzieci, tamu Biełdziaržcyrk hatovy zrabić prahramu, jakaja budzie składacca z tych numaroŭ, pakaz jakich u ranišnich śpiektaklach budzie nie zusim darečnym.
«Ja chaču stvaryć takuju prahramu, jakaja budzie cikavaja i turystam, jakija da nas buduć pryjazdžać, i, ja spadziajusia, ich budzie vielmi šmat. My zrobim darosłuju prahramu, dzie budzie šmat pryhožych žančyn, buduć surjoznyja muzyčnyja pastanoŭki, dzie možna budzie udaryć pa barabanu i nie bajacca, što dzieci ad hetaha zapłačuć», — rastłumačyŭ jon.
Hałoŭny režysior adznačyŭ, što heta budzie viačerniaje šou, zroblenaje na bazie dzionnaj prahramy. «Ale tam buduć mianiacca kaściumy, pastanoŭki, dadaducca numary, jakija nie zusim darečnyja dniom. Naprykład, zaraz vielmi papularna šou typu tanca na šaście abo akrabatyka na šaście.
U Jeŭropie takija numary vielmi časta staviać, ale ŭ 11 hadzin ranicy my nie budziem školnikam pakazvać dziaŭčynu na šaście, choć jana supierhimnastka i daloka nie stryptyziorša. A ŭviečary my možam heta pakazać.Chočacca pryjści da takoha farmatu i ździŭlać ludziej», — padkreśliŭ Sierž Bandarčuk.
