Zusim chutka školnikaŭ raspuściać na letnija kanikuły — voś užo dzie mora času dla hulniaŭ! Małodšyja pa ŭzroście dzieci, hledziačy na svaich ščaślivych siabroŭ, taksama, chutčej za ŭsio, nie ŭsiedziać na miescy. Jakija asnoŭnyja varyjanty baŭleńnia času dla niepasied možna znajści ŭ stalicy ŭ kanikularnyja i vychadnyja dni i kolki heta kaštuje?
Chutkaść, vyšynia, sałodkaja vata…
Chto choć raz u žyćci vychodziŭ z varot parka atrakcyjonaŭ ź lipkimi ad papkornu i sałodkaj vaty ščokami, a taksama ź nievierahodnymi ŭražańniami ad tolki što pieražytaha ekstrymu, jakim u piać hadoŭ zdajecca karusiel z roznakalarovych samalocikaŭ, toj zrazumieje, što dla malečy značyć taki pachod. U Minsku «ŭskružyć hałavu» možna adrazu ŭ troch samych papularnych miescach: parku imia Čaluskincaŭ, centralnym dziciačym parku imia M. Horkaha i parku zabaŭ «Drymłend».
U pieršym vypadku za katańnie na adnym atrakcyjonie treba budzie zapłacić ad 6 (naprykład, na «Ładździ» ci «Viasiołych horkach») da 15 tysiač rubloŭ (atrakcyjon «Zihzah»). Vybar zabaŭ, jakija mohuć spadabacca małym — ad batutaŭ i tradycyjnych spakojnych
Nastupny varyjant — park imia Horkaha — idealna padydzie dla naviedvańnia jakraz tym siemjam, u jakich jość dzieci prykładna da 10 hadoŭ. Bolšaść atrakcyjonaŭ — spakojnyja i biaśpiečnyja, syn ci dačka nie spužajecca vyšyni i chutkaści.
Košty ŭ hetym parku ad 3 da 15 tysiač rubloŭ.Samy tanny varyjant — naviedvańnie «Pakoja śmiechu», a voś pakatacca na katary ci kole ahladu ŭ adkrytaj kabincy možna ŭžo za 15 tysiač rubloŭ. Kali katać na kole ahladu płanujecca tolki małych dziaciej, možna spynicca na dziciačym varyjancie hetaha atrakcyjona i zapłacić za adzin kvitok 6 tysiač rubloŭ. U parku Horkaha, darečy, šmatdzietnyja siemji taksama mohuć karystacca źnižkami.
«Drymłend» zdoleje zachapić nie tolki dziaciej, ale i ich baćkoŭ. Tam navat isnuje śpiecyjalnaja kłasifikacyja: dziciačyja atrakcyjony, siamiejnyja i ekstremalnyja. Jašče adna asablivaść parku: nabyŭ adzin kvitok — katajsia kolki zaŭhodna amal što na ŭsim. Tak, dla darosłych uvachod kaštuje 75 tysiač rubloŭ, dziciačy kvitok — 65 tysiač rubloŭ, školniki i studenty mohuć katacca za 70 tysiač, a dla vialikich hrup ad 10 čałaviek jość mahčymaść nabyć kvitok pa canie ad 35 da 50 tysiač rubloŭ.
«Surjoznyja cacki» i mary pra padarožžy
Kali vaša dzicia ličyć, što huškańni na arelach — heta «nie jaho», u cacačnaj kramie vybiraje pieravažna pistalety i vintoŭki, a ŭ hałavie naščadka žyvie imknieńnie da pryhod i padarožžaŭ, takoha niepasiedu možna advieści ŭ cir ci na dziciačuju čyhunku.
U adnym sa staličnych ciraŭ tradycyjnaja stralba ź pnieŭmatyčnaj zbroi na pryzy budzie kaštavać 15 tysiač rubloŭ za 20 strełaŭ.Bolš surjoznyja zabavy ŭ hetaj ustanovie, naprykład, stralba ź pnieŭmatyčnych kopij sapraŭdnaj zbroi (aŭtamataŭ, vintovak, pistaletaŭ), heta, zrazumieła, užo nie dla dziaciej. Ale baćkam moža spadabacca. Dla ich jość roznyja «pakiety stralby»: u ich ad adnaho da 300 strełaŭ (košt, adpaviedna, ad 1,5 tysiačy da 120 tysiač rubloŭ).
Dziciačaja čyhunka ŭ čas letnich kanikuł na ciahniku moža pakatać ź sierady pa niadzielu. Jak praviła, u vahonach «Staličnaha ekspresa» zvyčajna ładziacca cikavyja pradstaŭleńni, tamu maleńkim pasažyram ni ŭ jakim razie nie pavinna być sumna. Prajechać na dziciačaj čyhuncy možna, zapłaciŭšy ad 9 da 11 tysiač rubloŭ.
Puchnatyja, chvastatyja i «vadapłaŭnyja»
Syn ci dačka niastomna abdymaje chatniaha lubimca Tuzika i kožny dzień prosić kupić jašče marskuju śvinku, a kotka, jakaja žyvie ŭ susiedziaŭ, na ŭsialaki vypadak pry źjaŭleńni na parozie vašaha dziciaci chavajecca padalej? Tady jamu, vierahodna, spadabajecca ŭ delfinaryi ci zaaparku.
Delfinaryjaŭ u Minsku dva. Znachodziacca jany ŭ roznych kancach horada, ale košty kvitkoŭ prykładna adnolkavyja,tamu my vyrašyli raskazać pra toj, jaki mieścicca ŭ zaaparku, na vulicy Taškienckaj, tym bolš što kvitok daje prava paśla pradstaŭleńnia jašče i biaspłatna pahladzieć na žyvioł u valjerach.
U budnyja dni ŭ delfinaryj možna trapić z aŭtorka pa piatnicu ŭ 12, 15 i 18 hadzin. Kvitki kaštujuć, adpaviedna, 60, 70 i 80 tysiač rubloŭ. Pa subotach i niadzielach pradstaŭleńni pravodziacca čaściej: a 12 hadzinie, a taksama ŭ 13.30, 15 i 18 hadzin. Siamiejny pachod u delfinaryj na vychadnych abydziecca daražej: 90 tysiač rubloŭ za adzin kvitok, dzieci da 5 hadoŭ mohuć naviedvać pradstaŭleńnie biaspłatna. Za dadatkovuju płatu možna, naprykład, sfatahrafavacca z delfinami ŭ vadzie, prapłyŭšy adzin kruh, što budzie kaštavać 150 tysiač rubloŭ, a papłavać z delfinami daŭžej, 5 chvilin, možna za 400 tysiač rubloŭ.
U Minskim zaaparku možna pakazać dzieciam ilvoŭ, viarbludaŭ, zubroŭ, miadźviedzia, łasioŭ, vaŭkoŭ i inšych žyvioł.U śpiecyjalnych valjerach na bierazie vadajoma žyvie bieźlič vadapłaŭnych ptušak, a krychu pavoddal možna pahladzieć na pryhožych svojskich ptušak. I heta daloka nie ŭvieś pieralik žycharoŭ zaaparka.
U budnyja dni naviedać zaapark možna z 10 da 21.00, a pa subotach i niadzielach jašče raniej — z 9 hadzin. Kvitok kaštuje 20 tysiač rubloŭ. Maleča da 5 hadoŭ prachodzić biaspłatna.
