Karcina Abdelłatyfa Kiešyša «Žyćcio Adel» zavajavała «Załatuju palmavuju halinu»
U mižnarodny prakat film vyjdzie pad nazvaj «Sini — samy ciopły koler». U Minsku jaho mohuć pakazać bližej da vosieni, raspavioŭ hiendyrektar «Kinavideaprakata» Vasil Koktyš:
«Dumaju, my pakažam jaho. Ale pakul nie viedajem, chto budzie pravaŭładalnikam na terytoryi postsavieckaj prastory. Kali vyznačycca dystrybjutar, budziem pracavać. Dumaju, heta budzie bližej da vosieni».
Film pakažuć u «Domie kino», dzie tradycyjna pakazvajuć usie stužki z Kanskaha kinafestu.
Što ž da tematyki filma, to tut ničoha strašnaha niama, miarkuje Koktyš. Jaho adhladzić kamisija, jakaja vyznačyć abmiežavańnie pa ŭzroście.
Koktyš: «Usio narmalna budzie. Budziem pakazvać. Navat toje, što tam… nu što rabić, jość takoje. Tym bolš u Francyi. A my pakažam. Jak ja čuŭ, tam usio pryhoža».