Druhi biełaruska-litoŭski forum rehijanalnaha supracoŭnictva projdzie 28—29 maja ŭ Druskininkai i Alitusie.
Jak paviedamlaje pres-słužba MZS Biełarusi, u pracy forumu płanujecca ŭdzieł bolš čym 200 biełaruskich i litoŭskich pradstaŭnikoŭ. Ad Biełarusi ŭ mierapryjemstvie voźmuć udzieł delehacyi ŭsich abłaściej i Minska.
Prahramaj forumu praduhledžana praviadzieńnie plenarnaha pasiadžeńnia, a taksama siekcyjnych pasiadžeńniaŭ pa kankretnych kirunkach raźvićcia biełaruska-litoŭskaha mižrehijanalnaha supracoŭnictva.
Akramia taho, 28 maja ŭ Vilniusie adbudziecca 16-je pasiadžeńnie dvuchbakovaj biełaruska-litoŭskaj kamisii pa handlovym i ekanamičnym supracoŭnictvie.
Biełaruskuju delehacyju na pasiadžeńni kamisii ŭznačalić namieśnik ministra zamiežnych spraŭ Alaksandr Hurjanaŭ, litoŭskuju — vice-ministr ekanomiki Kiastucis Tračyjokas.
U skład biełaruskaj delehacyi ŭvojduć pradstaŭniki Ministerstva ekanomiki, Ministerstva pramysłovaści, Ministerstva enierhietyki, Ministerstva pryrodnych resursaŭ i achovy navakolnaha asiarodździa, Ministerstva transpartu i kamunikacyj, Dziaržaŭnaha mytnaha kamiteta.
U ramkach pasiadžeńnia kamisii płanujecca abmierkavać stan i pierśpiektyvy dalejšaha pašyreńnia dvuchbakovych suviaziej u śfierach handlu, inviestycyjnaha supracoŭnictva, pramysłovaj kaapieracyi, transpartu i tranzitu, enierhietyki, achovy navakolnaha asiarodździa, pryhraničnaha ŭzajemadziejańnia.
