«Kamunikat»: prezientacyi ŭ Homieli i Mahilovie 1

6 červienia ŭ Homieli, u park-hateli «Zamkavy» (vuł. Haharyna 6), a 7 červienia — u Mahilovie (Centr «Koła», zav. Čkałava 16) projduć sustrečy z stvaralnikami internet-biblijateki «Kamunikat».

Haśćmi imprezaŭ buduć Barys Piatrovič (Sačanka) — staršynia Sajuza biełaruskich piśmieńnikaŭ i Viktar Šałkievič — bard, šoŭmen, akcior Hrodzienskaha teatra lalek. Padčas sustreč taksama budzie pakazany film Andreja Lankieviča pra biełarusaŭ Polščy.

Biełaruskaja Intierniet-BiblijatekaKamunikat.org — heta:

• tysiačy knih ŭ elektronnym varyjancie;

• sotni biełaruskich aŭtaraŭ ź Biełarusi i z-za miažy;

• kłasika i sučasnaje biełaruskaj litaratury;

• proza, paezija, litaraturaznaŭčyja i histaryčnyja materyjały;

• daśledavańni navukoŭcaŭ ź Biełarusi i zamiežža;

• usio, što vydavałasia i vydajecca na biełaruskaj movie, a taksama pra Biełaruś i biełarusaŭ na inšych movach śvietu;

• pieryjadyčnyja vydańni centra, rehijonaŭ i biełarusaŭ zamiežža;

• zbor biełaruskaj emihracyjnaj presy paślavajennaha pieryjadu i biełaruskich niezaležnych haziet pačatku 90. hadoŭ XX stahodździa;

• asabistyja staronki biełaruskich aŭtaraŭ;

• raździeł «Što novaha», a ŭ im — navinki biełaruskaha vydavieckaha rynku;

• bolšaść publikacyj vystaŭlena ŭ elektronnym vyhladzie ŭpieršyniu.

Biblijateka karysnaja dla studentaŭ i vykładčykaŭ, vučniaŭ i daśledčykaŭ. Spryjaje raspaŭsiudu biełaruskaj litaratury, siahajučy ŭ samyja addalenyja kropki śvietu.

Biełaruskaja intierniet-biblijateka Kamunikat.org — adzinaja ŭ siecivie tak bahataja skarbnica raznastajnych biełaruskich elektronnych materyjałaŭ.

0

0

0

0

0

0