U Hrodnie na vulicy Sałamiankoŭskaj na fasadzie novaha źjavilisia vialikija raskoliny, jakija praciahnulisia ad padmurka da dachu. Pra hety incydent piša «Hrodzienskaja praŭda».
Na dadzieny momant raskoliny zalili mantažnaj pienaj, ale naŭrad ci padobnaja miera moža ličycca vychadam ź situacyi.
Darečy, dom budavaŭsia doŭha, niekalki razoŭ pieranosilisia terminy jaho zdačy. Zdadzieny byŭ tolki ŭ krasaviku minułaha hoda, uzvodzili budynak budaŭniki adnoj z ščučynskich MPMK «Hrodnaabłsielbuda».
Uźnikaje pytańnie: źjaŭleńnie raskolin — pamyłka prajekciroŭščykaŭ abo niedapracoŭka budaŭnikoŭ, jakija zrabili słabyja padmurki pad apornyja ścieny budynka? Samaje žachlivaje, što takaja ž karcina i na druhim baku budynka. Kali hladziš na dom, zdajecca, što tarec budynka ničym nie źviazany z fasadam i moža prosta advalicca.
Sioletniaj zimoj u kvaterach, praź jakija prajšli raskoliny, pačała źjaŭlacca ćvil.
Žychary doma zadajucca rezonnym pytańniem: ci nie zanadta chutka novabudoŭla stała prablemnym budynkam? Vielmi chaciełasia b pačuć na hety kont mierkavańnie śpiecyjalistaŭ, bo kankretnych tłumačeńniaŭ žychary doma da hetaha času tak i nie atrymali.
Aficyjna
Hienadź Załoha, hiendyrektar HAUP «Hrodnaabłsielbud»:
— Mikraraskoliny ŭ šmatpaviarchovym domie, pabudavanym z cehły i hazasilikatu, źjaviłasia ŭ vyniku ŭsadžvańnia budynka i nijakim čynam nie ŭpłyvajuć na jaho apornyja zdolnaści. Paśla abśledavańnia defiektu śpiecyjalistami instytuta «Hrodnahramadzianprajekt», vydadzienyja rekamiendacyi, załadkaj raskolinaŭ zajmajecca Ščučynskaja
