Rehulavańnie internetu ŭradam nie vyklikaje piarečańniaŭ, kali razmova idzie pra abaronu pryvatnaha žyćcia, supraćdziejańnie teraryzmu i inšym pahrozam, ale jano pavinna rabicca «nie za košt uščamleńnia svabody vykazvańnia i svabody patoku infarmacyi».Pra heta zajaviła, vystupajučy 3 červienia na adkryćci
Pavodle jaje słoŭ, «pieravahi novych ŚMI nie pavinny źviedvać pieraśled». Mijatavič padkreśliła, što i «biźnies nie moža raźvivacca, kali svaboda internetu parušajecca».
Pradstaŭnik ABSIE pa pytańniach svabody ŚMI adznačyła važnaść svajho aficyjnaha vizitu ŭ Biełaruś, pieršaha paśla 2010 hoda.Jana paviedamiła, što ciaham dvuch dzion praviadzie sustrečy z vysokapastaŭlenymi čynoŭnikami, pradstaŭnikami hramadzianskaj supolnaści, žurnalisckaj supolnaści i niedziaržaŭnych arhanizacyj Biełarusi. Mijatavič taksama padkreśliła, što ŭ kancy vizitu zrobić zajavu.
Duńja Mijatavič 3–5 červienia znachodzicca ŭ Biełarusi z aficyjnym vizitam.Zapłanavany jaje sustrečy z vysokapastaŭlenymi biełaruskimi čynoŭnikami, uklučajučy ministra zamiežnych spraŭ Uładzimira Makieja i pradstaŭnikoŭ Administracyi prezidenta, Pałaty pradstaŭnikoŭ Nacyjanalnaha schodu, Viarchoŭnaha suda i Ministerstva infarmacyi, a taksama z pradstaŭnikami Biełaruskaj asacyjacyi žurnalistaŭ i Biełaruskaha sajuza žurnalistaŭ, žurnalistami, aktyvistami hramadzianskaj supolnaści.
Nahadajem, apošnim razam Mijatavič naviedvała Biełaruś u kastryčniku 2010 hoda. Jana taksama chacieła pryjechać u Minsk adrazu paśla žorstkaha razhonu akcyi suprać aficyjnych vynikaŭ prezidenckich vybaraŭ 19 śniežnia 2010 hoda. U liku socień zatrymanych padčas akcyi hramadzian byli i niezaležnyja žurnalisty, u pryvatnaści Iryna Chalip i Natalla Radzina. Jany prachodzili jak padazronyja pa kryminalnaj spravie ab masavych biesparadkach i ŭtrymlivalisia ŭ śledčym izalatary KDB. Mijatavič dvojčy źviartałasia da Siarhieja Martynava (u toj čas ministr zamiežnych spraŭ Biełarusi) z prośbaj dapamahčy arhanizavać jaje vizit u Minsk, adnak reakcyi na jaje listy nie było.
Uvieś hety čas Mijatavič nieadnarazova krytykavała aficyjny Minsk za situacyju sa svabodaj słova ŭ Biełarusi i pieraśled niezaležnych žurnalistaŭ.
