Dziaŭčynu Bonda ŭ nastupnym filmie pra ahienta 007 syhraje Pieniełopa Krus. Krus stanie samaj starejšaj z aktrysaŭ,kali-niebudź vykonvali hetuju rolu.
Zdymki nastupnaha vypusku bandyjany pavinny pačacca letam 2014 hoda.
Pradziusary filma i raniej sprabavali zaprasić Pieniełopu Krus na rolu dziaŭčyny ahienta, adnak aktrysa ŭvieś čas była zaniataja ŭ inšych prajektach.
U novaj stužki pra Bonda pakul niama aficyjnaj nazvy. Režysior karciny taksama pakul nie pryznačany. Vierahodniej, pastanoŭkaj stužki zojmiecca Sem Mendes, režysior papiaredniaha filma sieryi «007: Kaardynaty» Skajfoł».
Samoha Džejmsa Bonda jašče jak minimum u dvuch filmach syhraje Denieł Krejh. Hety akcior užo trojčy vykonvaŭ rolu ahienta 007: u stužkach «Kazino Rajal», «Kvant miłasernaści» i «007: Kaardynaty «Skajfoł». Pry hetym apošniaja ź pieraličanych karcin źjaŭlajecca samaj paśpiachovaj z usich filmaŭ pra Bonda: stužka zarabiła ŭ prakacie bolš za $1,1 młrd pry biudžecie ŭ $200 młn.
Ciapier «Skajfoł» zajmaje vośmy radok u śpisie samych kasavych filmaŭ usich časoŭ.
0
0
0
0
0
0
