Estonija — Biełaruś — 0:2. Na trybunach byli bieł-čyrvona-biełyja ściahi 8

Nacyjanalnaja zbornaja Biełarusi pa futbole praviała hienieralnuju repietycyju pierad vyjezdam na adboračny matč da čempijanatu śvietu ŭ Chielsinki . Siońnia ŭ tavaryskaj hulni ŭ Talinie našy padužalisia z estoncami.

Biełaruskija zaŭziatary ŭ Talinie. Fota vk.com/ultras_belarus

Paradaksalna, ale mienavita ad estoncaŭ biełarusy naciarpielisia najbolš siarod usich postsavieckich zbornych (try parazy ŭ čatyroch hulniach).

Kandraćjeŭ niečakana pakinuŭ u zapasie Alaksandra Hleba i Vitala Radzivonava (abodva źjavilisia ŭ druhoj pałovie hulni). Zatoje na vastryni ataki vyjšaŭ navabraniec zbornaj Maksim Skavyš.

U pryncypie, takaja zamiena siabie apraŭdała. Mienavita Maksim Skavyš na 32-oj chvilinie addaŭ halavy pas na Antona Puciłu. Maks moh bić sam, ale nie paškadavaŭ addać pieradaču na partniora, jaki byŭ u bolš vyhadnym stanoviščy — 0:1.

U druhim tajmie adnym z vyrašalnych momantaŭ stała vydaleńnie Taavi Rachna. Abaronca estoncaŭ pieraškodziŭ Alaksandru Paŭłavu, jaki vychodziŭ sam-nasam z bramnikam. Dacki sudździa palez u kišeniu za čyrvonaj kartkaj.

Šmat aktyŭničaŭ Siarhiej Bałanovič. Spačatku jon nie zmoh pierapravić miač u varoty paśla ŭdara Kiślaka ŭ kryžavinu. A paźniej addaŭ pas-cukierku na Vitala Radzivonava — 0:2.

Darečy, zabivaŭ Radzivonaŭ bramniku Kacienku, jaki hulaje za mahiloŭski «Dniapro». Byŭ jašče ŭ składzie estoncaŭ Sidarenkaŭ, jaki hulaje za Homiel.

Ciapier biełarusy ŭ dobrym nastroi paromam pierasiakuć finski zaliŭ, kab u piatnicu pasprabavać atrymać druhuju pieramohu ŭ adboryčnym cykli.

ZP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH