Alijeva vyłučyli na treci termin 2

Prezidenta Azierbajdžana Ilchama Alijeva vyłučyli na treci termin. Heta adbyłosia ŭ piatnicu na źjeździe kirujučaj partyi «Jeni Azierbajdžan» («Novy Azierbajdžan»). Vyłučeńnie prajšło adnahałosna.

U chodzie źjezda Alijeŭ byŭ taksama pieraabrany staršynioj partyi ŭłady. Na pasadu adnaho ź jaho namieśnikaŭ pry hetym była abrana jaho žonka Miechryban Alijeva.

Prezidenckija vybary ŭ Azierbajdžanie płanujecca pravieści ŭ kastryčniku 2013 hoda.

Pra namier udzielničać u ich užo zajavili niekalki pradstaŭnikoŭ apazicyi — u pryvatnaści, lidar partyi «Musavat» Isa Hambar. U apazicyi taksama razhladajecca mahčymaść vyłučeńnia adzinaha kandydata — takim, jak ličycca, moža stać dramaturh Rustam Ibrahimbiekaŭ, abrany kiraŭnikom Nacyjanalnaj rady demakratyčnych sił.

Ilcham Alijeŭ kiruje Azierbajdžanam z 2003 hoda. Na pasadzie prezidenta jon źmianiŭ svajho baćku, Hiejdara Alijeva.

U 2008 hodzie Alijeŭ-małodšy pieraabrany na druhi termin (nabraŭšy, pavodle aficyjnych dadzienych, kala 89%). Paźniej pa inicyjatyvie kirujučaj partyi byŭ praviedzieny refierendum, pa vynikach jakoha z kanstytucyi było prybrana abmiežavańnie, jakoje dazvalała adnamu čałavieku stanavicca prezidentam bolš za dva razy.

lenta.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH