Upraŭleńnie Śledčaha kamiteta Biełarusi pa Minsku šukaje vidavočcaŭ incydentu, jaki adbyŭsia 9 maja kala 23.20 pamiž pradstaŭnikami słužby biaśpieki HC «Karona» na vulicy Kalvaryjskaj i hramadzianami, kala kasaŭ handlovaha centra i kala vychadu na aŭtamabilnuju stajanku da zavułku Tučynskim. Pra heta BiełaPAN paviedamiŭ aficyjny pradstaŭnik USK pa Minsku Alaksandr Hierasimaŭ.
Śviedak zdareńnia prosiać patelefanavać pa nastupnych telefonach:(017) 225-24-76 ,(017) 395-50-28 , dziažurnaja častka USK pa h. Minsku(017) 395-75-67 .
Nahadajem, pa fakcie naniasieńnia cialesnych paškodžańniaŭ minčuku Alaksandru Vaškieviču Frunzienskim rajonnym adździełam Śledčaha kamiteta Minska była raspačata sprava pa častcy 1 artykuła 149 KK (naŭmysnaje pryčynieńnie mienš ciažkaha cialesnaha paškodžańnia. U ramkach rasśledavańnia kryminalnaj spravy śledčyja orhany vyjaŭlajuć vinavatych asob. Pakarańniem, praduhledžanym nazvanym artykułam KK za heta złačynstva, źjaŭlajecca štraf abo papraŭčyja raboty terminam da dvuch hadoŭ, albo aryšt terminam da šaści miesiacaŭ, abo abmiežavańnie voli terminam da troch hadoŭ abo pazbaŭleńnie voli na toj ža termin.
