Kapitalnaha ramontu patrabujuć 80% daroh 1

Vosiemdziesiat pracentaŭ respublikanskich daroh patrabujuć kapitalnaha ramontu, paviedamiŭ na pres-kanfierencyi 13 červienia ŭ Minsku kansultant upraŭleńnia ŭtrymańnia darožnaj sietki departamienta «Biełaŭtadar» Ministerstva transpartu i kamunikacyj Anatol Adamcevič.

Usiaho ŭ padparadkavańni departamienta znachodzicca 15.757 km respublikanskich aŭtamabilnych daroh. Jak adznačyŭ Adamcevič, arhanizacyi «Biełaŭtadara» štodnia vykonvajuć raboty pa likvidacyi jam. Z pačatku hoda na respublikanskich darohach likvidavana 363 tys. kv. m jamkavaści.

Pry hetym pradstaŭnik departamienta zajaviŭ, što niapravilna kazać pra toje, što «jamkavaść niepasredna ŭpłyvaje na biaśpieku». «Jana ŭpłyvaje na kamfort ruchu», — adznačyŭ jon.

Pavodle słoŭ Adamceviča, pry budaŭnictvie, rekanstrukcyi, kapitalnym ramoncie daroh zabiaśpiečvajecca adpaviednaść ich paramietraŭ i charaktarystyk patrabavańniam biaśpieki darožnaha ruchu. «Pabudavanaja daroha biaśpiečnaja dla ruchu transpartnych srodkaŭ, kali vadzicieli vykonvajuć praviły darožnaha ruchu na joj», — kanstatavaŭ jon.

Adamcevič paviedamiŭ, što ŭ 2012 hodzie na respublikanskich darohach było adznačana źnižeńnie avaryjnaści. Tak, lik DTZ źmienšyŭsia na 9,5%, zahinułych — na 19%, paranienych — na 7%. U studzieni-mai 2013 hoda kolkaść DTZ u paraŭnańni z anałahičnym pieryjadam 2012 hoda skaraciłasia na 13,1%.

0

0

0

0

0

0

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH