Časta my zabyvajem, što ŭ adnosinach dziejničaje pryncyp łyžki dziohciu: adno hrubaje, nieabdumanaje słova ŭ zapale svarki zvodzić na nul usio toje dobraje, što było pierad hetym i psuje ŭsio, što budzie paśla jaje. Mierkavańnie kachanaha čałavieka dla nas vielmi važnaje, tamu złyja kamientary raniać asabliva baluča.
Tamu, pierš čym skazać čarhovuju brydkaść, kab "ukusić" bolš baluča i vykazać nazapašany niehatyŭ, zadajcie sabie čatyry pytańni:
1. Ci budzie vašamu lubamu čałavieku baluča heta pačuć?
Tamu što časam my možam skazać niešta, nie padumaŭšy, prosta tamu što ŭ hetuju siekundu mienavita hetyja słovy kruciacca na jazyku.
2. Ja prosta vielmi złosnaja, mahčyma, varta pačakać, supakoicca i potym kazać?
Kali ty vielmi złuješsia, ciažka mierkavać pra toje, jakija nastupstvy buduć ad tvaich słoŭ. Prosta spynisia na chvilinu i padumaj, jakuju škoda tvaje słovy naniasuć vašym adnosinam i ci varta heta taho.
3. Jano taho varta?
Heta pavinna być sapraŭdy važnaje pytańnie, jakoje varta adstojvać ź pienaj na vusnach. Kali heta nie tak, spytaj siabie, ci treba kryŭdzić kachanaha i psavać adnosiny dziela niejkaj drobiazi.
4. Ci mahu ja skazać heta pa-inšamu?
Bo krytyku možna vykazać i pazityŭnym čynam. Časta varta tolki krychu pačakać, kab padabrać pravilnuju formu — i tady zaŭvaha adrazu stanie značna bolš efiektyŭnaj!
