Pasoł Biełarusi ŭ Vieniesuele Aleh Pafieraŭ 11—12 červienia naviedaŭ šerah biełaruska-vieniesuelskich sumiesnych pradpryjemstvaŭ i abjektaŭ budaŭnictva, paviedamlaje pres-słužba Ministerstva zamiežnych spraŭ Biełarusi.
Pafieraŭ pabyvaŭ, u pryvatnaści, na miescy budaŭnictva biełaruskim bokam troch tysiač kvater u rajonie vajennaj bazy "Forte Ciuna" (štat Miranda) i na placoŭcy pad uźviadzieńnie troch tysiač kvater u rajonie pramysłovaj zony Santa-Inies (štat Barynas).
Dypłamat naviedaŭ sumiesnyja biełaruska-vieniesuelskija pradpryjemstvy "MAZ VIEN" i "VienieMinsk Traktares", što raźmiaščajucca ŭ pramysłovaj zonie Santa-Inies, a taksama budoŭlu zavoda pa vytvorčaści darožna-budaŭničaj techniki.
Padčas sustreč ź vieniesuelskimi partniorami abmierkavany najaŭnyja pytańni realizacyi hetych prajektaŭ, zaznačaje pres-słužba MZS.