Jak i inšyja niezaležnyja sajty, NN pieryjadyčna sutykajecca sa sprobami praniknieńnia na sajt i raźmiaščeńnia virusaŭ. Apošni raz heta zdaryłasia ŭ subotu. Heta mocna bje pa sajcie, zabiraje čas i niervy. A pakolki NN — samy papularny resurs na biełaruskaj movie, heta asłablaje našu movu i kulturu ŭvohule. Tamu heta vyklik nie tolki dla Redakcyi NN — dla ŭsich, dla kaho Biełaruś darahaja.
Kab praniknuć na sajt, złamyśniki karystajucca jahonymi ŭraźlivaściami. My svaimi siłami štości znachodzim i vypraŭlajem. Ale raz pajšli takija ataki, źviartajemsia z prośbaj da ŭsich prahramieraŭ i prosta vunderkindaŭ ź liku našych čytačoŭ. Kali bačycie, možacie adšukać uraźlivaści našaha sajta, pišycie, padkazvajcie nam. Za vyjaŭlenyja słabiny — tort abo, kali chočacie, hrošy.
Pišycie na [email protected], u skajp nashaniva abo ŭ kamienty pad hetym artykułam.
