Bierłuskoni asudzili na siem hadoŭ turmy za seks ź niepaŭnaletniaj prastytutkaj 23

Były prem'jer-ministr Italii Silvijo Bierłuskoni asudzili na siem hadoŭ turmy za seks ź niepaŭnaletniaj prastytutkaj i złoŭžyvańnie słužbovym stanoviščam. Prysud ustupić u siłu, kali Bierłuskoni nie ŭdasca jaho abskardzić.

Akramia hetaha, sud u Miłanie pažyćciova zabaraniŭ 76-hadovamu Bierłuskoni zajmać dziaržaŭnyja pasady.

Kalehija z troch sudździaŭ — usie žančyny — pakarała Bierłuskoni bolš žorstka, čym prapanoŭvali prakurory: tyja prasili šaścihadovaha źniavoleńnia.

Bierłuskoni, zrešty, adpravicca ŭ turmu tolki ŭ tym vypadku, kali prajhraje apielacyi ŭ dvuch vyšejstajačych instancyjach.

Zaraz Silvijo Bierłuskoni nie zajmaje nijakich aficyjnych pasadaŭ, ale jaho partyja «Narod svabody» hraje važnuju rolu ŭ ciapierašniaj dalikatnaj, pa acency palityčnych kamientataraŭ, uradavaj kaalicyi.

Były italjanski premjer usie vyłučanyja suprać jaho abvinavačvańni admaŭlaje.

Skandał vakoł eratyčnych viečarynak «bunha-bunha», jakija ładzilisia na vile byłoha prem'jer-ministra, razhareŭsia ŭ pačatku 2011 hoda.

Prakuratura ličyć, što žančyny, jakich zaprašali ŭ rezidencyju Bierłuskoni na hetyja mierapryjemstvy, byli prastytutkami — častkaj złačynnaj sistemy, stvoranaj śpiecyjalna dla taho, kab absłuhoŭvać premjera.

0

0

0

0

0

0

Pavodle Bi-Bi-Si

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH