Dziaržava kampiensuje nasielnictvu straty, źviazanyja z adabrańniem śviniej z metaj niedapuščeńnia raspaŭsiudžvańnia na terytoryi krainy afrykanskaj čumy śviniej (AČS). Pra heta zajaviŭ ministr sielskaj haspadarki i charčavańnia Leanid Zajac, pieradaje karespandent BIEŁTA.
«Paśla taho, jak u ludziej kanfiskavali zdarovych žyvioł, dziaržava ŭ abaviazkovym paradku pavinna kampiensavać hetyja vydatki», — skazaŭ kiraŭnik sielskahaspadarčaha viedamstva. Tak, za 1 kh žyvoha vahi siońnia vypłačvajecca Br18 tys. 337 — heta košt 1 kh śvininy druhoj katehoryi.Kampiensacyi, pa słovach ministra, pavinny vypłačvacca na praciahu tydnia. «Dla hetaha stvorany śpiecyjalnyja fondy ŭ rajonnych, abłasnych biudžetach, kab ažyćciaŭlać kampiensacyjnyja vypłaty nasielnictvu», — dadaŭ Leanid Zajac.
Jon źviarnuŭ uvahu, što sialanam, u čyich asabistych padsobnych haspadarkach zafiksavana AČS, na praciahu paŭhoda zabaraniajecca zajmacca vyroščvańniem śviniej. «Hety režym pavinien vykonvacca ŭsimi», — padkreśliŭ jon.
Pa zakančeńni dadzienaha terminu, adznačyŭ Leanid Zajac, śvinahadoŭčyja haspadarki krainy akažuć nasielnictvu sadziejničańnie pa zabieśpiačeńni maładniakom.
Uspyška AČS była zarehistravana 21 červienia na terytoryi vioski Čapuń Iŭjeŭskaha rajona Hrodzienskaj vobłaści. Na siońnia hety ačah łakalizavany.
Afrykanskaja čuma śviniej — vostraje kantahijoznaje zachvorvańnie, jakoje charaktaryzujecca chutkim ciačeńniem i vialikaj śmiarotnaściu žyvioł (98–100%). Srodkaŭ lačeńnia i śpiecyfičnaj prafiłaktyki hetaj chvaroby niama. Dla čałavieka afrykanskaja čuma śviniej niebiaśpieki nie ŭjaŭlaje. Ekanamičny ŭron, jaki nanosicca afrykanskaj čumoj śviniej, składajecca z pramych strat pa radykalnaj likvidacyi chvaroby i abmiežavańniaŭ, što prymianiajucca ŭ mižnarodnym handli.
