Barysaŭski BATE, jaki vylecieŭ z rozyhryšu Lihi čempijonaŭ, sustreniecca z hišpanskim «Viljareałam». Pieršaja hulnia adbudziecca 20 vieraśnia na chatnim stadyjonie klubu «El-Madryhał». Praz dva tydni kamandy pierajeduć u Biełaruś, pakul niezrazumieła, ci jany buduć hulać u Miensku, ci ŭ Barysavie.
Klub «Viljareał». Paŭtara hodu tamu dajšoŭ da paŭfinału Lihi čempijonaŭ, dzie sastupiŭ «Arsenału». Sioleta ŭ čempijanacie krainy jany syhrali tolki adzin matč, u jakim razhramili «Valensiju» — 3:0. U niadzielu hulajuć z madrydzkim «Reałam». Za «Viljareał» hulajuć takija zorki suśvietnaha futbołu, jak Chuan Rykielmie, Jon‑Dal Tomasan, Raber Pires, Nichat. U kamandzie bahata hulcoŭ z Paŭdniovaj Ameryki, a treniruje klub viadomy čylijski specylist Manuel Pelehryni. Viasioły futboł zabiaśpiečany.
Z kamandami z Hišpanii biełarusy hulali ŭ dalokim 1988 h. Mienskaje «Dynama» ŭ 1/8 finału Kubku kubkaŭ pieramahło «Reał Saśjedad» (San‑Sebaścian).
