U zachodnich štatach ZŠA praciahvajecca rekordnaja śpiakota, jakaja moža pabić absalutny maksimum tempieratury, zafiksavany na Ziamli z momantu pačatku nazirańniaŭ.
U Fieniksie, stalicy štata Aryzona, tempieratura ŭ piatnicu padniałasia da 47 °S. U kalifarnijskaj Dalinie Śmierci tempieratura dasiahnuła 51°S.
Čakajecca, što śpiakota nie spadzie da kanca vychodnych. U haradach zadziejničali tak zvanyja "achaładžalnyja centry", abstalavanyja kandycyjanierami.
Ułady aścierahajucca, što śpiakota vykliča zatrymki ŭ avijaznosinach.
Bolšaść avijałajnieraŭ mohuć lotać pry tempieratury da 52 °S, ale tempieratura vyšej za 47 °S stvaraje niespryjalnyja ŭmovy dla ŭźlotu.
Pradstaŭnik avijakampanii US Airways zajaviŭ, što kampanija viadzie nazirańnie za ŭmovami nadvorja ŭ Fieniksie.
Dziejučy rekord tempieratury na Ziamli byŭ zafiksavany ŭ Dalinie Śmierci ŭ Kalifornii ŭ 1913 hodzie i skłaŭ 56,7 °S. Až da 2012 hoda ličyłasia, što rekord (58 °S) byŭ zarehistravany ŭ horadzie Azizija na poŭnačy Livii, adnak Suśvietnaja mietearałahičnaja arhanizacyja admoviłasia pryznavać hety rekord, pakazvajučy na vykarystańnie ŭ dadzienym vypadku niepravieranych srodkaŭ vymiareńnia tempieratury.
