Były supracoŭnik CRU Edvard Snoŭden prasiŭ palityčnaha prytułku ŭ Rasii, ale zatym admoviŭsia ad svajoj prośby. Pra heta lipienia 2 raspavioŭ pres-sakratar prezidenta RF Dźmitryj Piaskoŭ.
Pa słovach Piaskova, pryčynaj takoha rašeńnia stali vystaŭlenyja Maskvoj ŭmovy, a mienavita patrabavańnie spynić dziejnaść, jakaja nanosić škodu ZŠA. Snoŭden budzie sprabavać atrymać prytułak, pavodle prezidenckaj administracyi, u 15 inšych krainach.
Pry hetym Piaskoŭ padkreśliŭ, što Rasija pa-raniejšamu nie płanuje ekstradavać Snoŭdena ŭ ZŠA, tak jak tam isnuje śmiarotnaje pakarańnie.
«Rasija nikoli nikoha nie vydavała, nie vydaje, i nie budzie vydavać. Vypadki, jakija mieli miesca, byli źviazany z abmienami», — cytuje słovy pres-sakratara «Interfaks».
0
0
0
0
0
0
