Skardziciesia na drenny seks? Chutčej za ŭsio, vašamu arhanizmu nie chapaje vitaminaŭ! Jakaść vašaha seksualnaha žyćcia vyznačajecca bałansam čatyroch vitaminaŭ u arhaniźmie, ličać aŭstralijskija navukoŭcy.
Navukoŭcy pryjšli da vysnovy, što najaŭnaść u dastatkovaj kolkaści čatyroch vitaminaŭ — A, S, Je i kompleks vitaminaŭ V — abumoŭlivaje jakaść pałavoha žyćcia jak u mužčyn, tak i ŭ žančyn.
Hetyja vitaminy možna ŭžyvać, naprykład, u vyhladzie tabletak, uzhadniŭšy, na ŭsialaki vypadak, ich pryjom — kolkaść i jakaść preparataŭ — z vašym lekaram. Kansultacyja patrebna dla taho, kab pierakanacca, što ŭ vašym arhaniźmie nie ŭźniknie ich niebiaśpiečny lišak, jaki nie mienš škodny, čym i deficyt.
Ale, viadoma, jość i bolš naturalny šlach: pahłynać vitaminy praz zdarovaje charčavańnie. Na ščaście, usie hetyja vitaminy časta sustrakajucca i harodninie i sadavinie. Tak, vitamina S šmat źmiaščajecca ŭ cytrusavych, jahadach i ŭ kivi. Vitaminy hrupy V jość u bananach, bulbie, u marskoj rybie. Vitamin A my atrymlivajem razam ź jajkami, piečańniu, rybinym tłuščam i małočnymi praduktami (takimi, jak śmietankovaje masła, śmiatana, celnaje małako). Vitamin Je ŭ vialikaj kolkaści pradstaŭleny ŭ raślinnych alejach, votrubji, mindali, soi, hreckich arechach, pamidorach i baraninie.
