Kurs dalara da kanca hoda budzie nie mienšym za 9.500 rubloŭ. Taki prahnoz padčas sustrečy z žurnalistami 2 lipienia zrabiŭeks-kiraŭnik Nacbanka Stanisłaŭ Bahdankievič.
Jon zaznačyŭ, što ŭ 2012 hodzie stabilny kurs dalara ŭdałosia zabiaśpiečyć dziakujučy stanoŭčamu salda ŭ źniešnim handli. «Mahčymaści trymać kurs byli. Letaś handal byŭ zbałansavanym, heta značyć my kuplali tavaraŭ stolki, kolki mieli hrošaj. Tamu kurs moh stajać», — skazaŭ Bahdankievič.
Sioleta, zaznačyŭeks-kiraŭnik Nacbanka, situacyja kardynalna źmianiłasia: «Pa vynikach paŭhodździa my vyjdziem z deficytam handlovaha i płaciežnaha bałansu».
Zhodna z danymi, jakija raspaŭsiudziŭ u pačatku lipienia Nacyjanalny statystyčny kamitet, u
«Devalvacyja viałaja budzie, kurs [dołara] užo pajšoŭ, pačali jaho adpuskać», — zaznačyŭ Bahdankievič, kamientujučy źmianieńni kacirovak na valutnym rynku. Jak paviedamlałasia raniej, 2 lipienia aficyjny kurs dalara dasiahnuŭ maksimalnaha značeńnia sioleta i skłaŭ 8.810 rubloŭ.
«Ja dumaju, ekanomika prymusić pajści na devalvacyju, — miarkuje Bahdankievič.— Kurs dalara da kanca hoda budzie minimum 9.500 rubloŭ». Na jaho dumku, devalvacyja patrebnaja i dla stymulavańnia biełaruskaha ekspartu, i dla abmiežavańnia impartu.
Miž tym biełaruskija ekanamičnyja ŭłady čakajuć, što siaredniehadavy kurs dalara na ŭzroŭni 9.500 rubloŭ składziecca paźniej, u 2014 hodzie. Pavodle infarmacyi BiełaPAN, takaja acenka pryvodzicca ŭ kancepcyi prahnozu
Pry padrychtoŭcy biudžetu na 2013 hod ułady zakłali siaredniehadavy kurs dołara na ŭzroŭni 8.950 rubloŭ za dołar. Takim čynam, pavodle acenak uładaŭ, u nastupnym hodzie devalvacyja nacyjanalnaj valuty składzie kala 6%.
