 Kaciaryna Karsten |
U niamieckim Miunchienie na minułym tydni prajšoŭ čempijanat śvietu pa akademičnym viesłavańni. Dla našaj zbornaj jon prynios šerah pryjemnych momantaŭ.
Najpierš jany źviazanyja ź imieniem Kaciaryny Karsten (u dziavoctvie Chadatovič). Uradženka Krupščyny nie pakinuła nijakich šancaŭ svaim supiernicam i stała piacirazovaj čempijonkaj śvietu.
Taksama jana maje dva załatyja medali Alimpijad (Atlanta‑1996 i Sydnej‑2000). Apošnija hady Kaciaryna žyvie ŭ Niamieččynie, na radzimie muža.
Zołata ŭ alimpijskaj dyscyplinie zavajavała i naša dvojka‑raspašnaja ŭ składzie Julii Bičak i Natalli Hiełach. Niakiepskaja perspektyva vymaloŭvajecca pierad Alimpijadaj u Pekinie, jakaja projdzie praz hod.
U Miunchienie biełaruskija vieślary aproč medaloŭ zavajavali jašče dźvie alimpijskija licenzii.
