Hałoŭnaje ŭpraŭleńnie MNS Rasii pa Smalenskaj vobłaści adkryła karancinnyja pasty na miažy ź Biełaruśsiu dla praduchileńnia raspaŭsiudžańnia afrykanskaj čumy śviniej (AČS).
Z 15 hadzin 9 lipienia i da asablivaha rasparadžeńnia pasty pačali pracavać na terytoryi Vieližskaha, Rudnianskaha i Kraśninskaha rajonaŭ u miescach pierasiačeńnia dziaržaŭnaj miažy RF i Respubliki Biełaruś kala nasielenych punktaŭ Siańkova, Ržaŭka, Siełujanava, Zaazierje. Na ich arhanizavana dziažurstva pažarnych raźlikaŭ Fiederalnaj supraćpažarnaj słužby Smalenskaj vobłaści i abłasnoha
Raśsielhasnahlad apaviaściŭ departamient vieterynarnaha i charčovaha nahladu Ministerstva sielskaj haspadarki i charčavańnia Biełarusi ab tym, što ŭ suviazi z uspyškaj afrykanskaj čumy śviniej u Viciebskaj vobłaści ŭvodziacca časovyja abmiežavańni na ŭvoz z terytoryi hetaj vobłaści ŭ Rasiju śviniej, śpiermy knyroŭ, śvininy i syrych śvinych miasapraduktaŭ, vyrabaŭ sa śvininy i karmoŭ dla śviniej. Aprača taho, pavinna być prypyniena siertyfikacyja pradukcyi sa śvininy, vyrablenaj z vykarystańniem miasnoj syraviny ź Viciebskaj vobłaści.
Hienietyčny materyjał uzbudžalnika afrykanskaj čumy śviniej byŭ vyjaŭleny ŭ filijale «Łučosa» ATO «Viciebski kambinat chlebapraduktaŭ». 2 lipienia Minsielhascharč paviedamiŭ ab prypynieńni «ekspartu svojskich i dzikich śviniej, miasa i praduktaŭ zarezu ad ich, usich vidaŭ charčovych praduktaŭ, atrymanych ad takich žyvioł», z terytoryi Viciebskaj vobłaści ŭ suviazi z «pavyšanym zachvorvańniem pahałoŭja śviniej u filijale «Łučosa» AAT «Viciebski kambinat chlebapraduktaŭ» i nieabchodnaściu ŭdakładnieńnia dyjahnazu.
Uspyška zachvorvańnia taksama była zarehistravanaja ŭ Iŭjeŭskim rajonie Hrodzienskaj vobłaści.
Časovuju zabaronu na ŭvoz śviniej i śvininy ź Biełarusi ŭviali Rasija, Ukraina, Polšča, Litva i Łatvija. Kiraŭnik litoŭskaj
