Arhanizujuć imprezu pasolstva Litvy ŭ Biełarusi i Sajuz biełaruskich piśmieńnikaŭ. Jana pryśviečanaja pačatku staršynstva Litoŭskaj Respubliki ŭ ES.
Ź litoŭskaha boku ŭ imprezie voźmuć udzieł paety Eŭhienijus Ališanka, Uładas Braziunas, Maryjus Burokas, Antanas A. Joninas, Alvidas Šlapikas. A Biełaruś pradstaviać Andrej Adamovič, Alesia Bašarymava, Viera Burłak, Halina Dubianieckaja dy Aleś Razanaŭ.
Ich vieršy prahučać u muzyčnym azdableńni dudara Todara Kaškureviča.
Vieści imprezu, jakaja raspačniecca ŭ halerei «Ŭ» (pr-t Niezaležnaści, 37A) a 20:30, budzie paet i pierakładčyk, staršynia Biełaruskaha PEN-centrf Andrej Chadanovič.
Litaraturny prajekt Magnus Ducatus Poesis zasnavany ŭ 2006 hodzie. Jon abjadnoŭvaje tvorcaŭ z krainaŭ, čyje terytoryi raniej składali Vialikaje Kniastva Litoŭskaje.