Ministerstva justycyi Biełarusi vyniesła piśmovaje papiaredžańnie respublikanskamu hramadskamu abjadnańniu «Pierśpiektyva» za parušeńnie patrabavańniaŭ zakona «Ab masavych mierapryjemstvach»,paviedamiŭ lidar arhanizacyi Anatol Šumčanka.
U pryvatnaści, Miniust ustanaviŭ, što «staršynioj „Pierśpiektyvy“ Šumčankam na terytoryi Handlovaha doma „Ždanovičy“ kala budynka „Mir mody — 1“ było arhanizavana niesankcyjanavanaje masavaje mierapryjemstva».
U ministerstvie adznačajuć, što «dakumienty ab praviadzieńni masavaha mierapryjemstva ŭ miascovy vykanaŭčy i rasparadčy orhan nie padavalisia».Tym samym, havorycca ŭ papiaredžańni, «parušany patrabavańni zakona „Ab masavych mierapryjemstvach“ u nieabchodnaści atrymańnia dazvołu na praviadzieńnie masavaha mierapryjemstva».
Ministerstva justycyi taksama papiaredžvaje «Pierśpiektyvu» ab tym, što «ŭ vypadku paŭtornaha na praciahu hoda parušeńnia zakanadaŭstva ci ŭłasnaha statuta ŭ dačynieńni da hetaha hramadskaha abjadnańnia moža być pastaŭlena pytańnie ab prypynieńni jaho dziejnaści ci likvidacyi ŭ sudovym paradku».
Šumčanka ličyć, što rašeńniem Miniusta ŭłady pierastrachavalisia pierad mahčymym praviadzieńniem 15 lipienia maršu pratestu pradprymalnikaŭ, zajaŭka na jaki była adklikana.«Taksama heta reakcyja ŭład na mierapryjemstvy, jakija my arhanizujem u abaronu pradprymalnikaŭ. Jany pakazvajuć, što mohuć pajści na likvidacyju „Pierśpiektyvy“, kali my dalej praciahniem baraćbu za našy pravy», — adznačyŭ jon.
Šumčanka padkreśliŭ, što «Pierśpiektyva» «biare pad uvahu rašeńnie Miniusta, ale jano nijak nie adabjecca na dalejšaj dziejnaści arhanizacyi».
Lidar «Pierśpiektyvy» taksama miarkuje, što papiaredžańnie «paćviardžaje vysoki status arhanizacyi, značyć, my čahości damahlisia svaimi dziejańniami».
Šumčanka nie vyklučaje, što Miniust moža ažyćciavić svaju pahrozu pa likvidacyi arhanizacyi. «My hatovyja da ŭsiaho. Pakul „Pierśpiektyva“ jak hramadskaje abjadnańnie pracuje ŭ ekanamičnaj płoskaści. Kali arhanizacyju likvidujuć, to ŭ Biełarusi dastatkova palityčnych partyj, u miežach dziejnaści jakich možna praciahvać adstojvać svaje pravy. Ale my spadziajomsia, što va ŭład chopić razvažlivaści pakinuć nam mahčymaść dziejničać u ekanamičnaj płoskaści», — skazaŭ jon.
Nahadajem, 27 červienia Šumčanka byŭ asudžany sudom Centralnaha rajona Minska na piać sutak administracyjnaha aryštu za arhanizacyju niesankcyjanavanaha schodu. U toj dzień na rynkach i ŭ handlovych centrach Biełarusi prajšła adnadzionnaja zabastoŭka pradprymalnikaŭ, jakija vystupajuć suprać uviadzieńnia z 1 lipienia techničnaha rehłamientu Mytnaha sajuza «Ab biaśpiecy pradukcyi lohkaj pramysłovaści». Rašeńnie pravieści papieradžalnuju zabastoŭku pradstaŭniki małoha i siaredniaha biźniesu pryniali na forumie pradprymalnikaŭ 24 červien
