Kancern «Biełnaftachim» i TAA «Hazprom inviestprajekt» damovilisia «ab prapracoŭcy schiemy supracoŭnictva pry realizacyi inviestycyjnaha prajekta ŭ AAT «Hrodna Azot».
Jak paviedamlaje sajt «Biełnaftachima», takaja damoŭlenaść była dasiahnuta padčas praviedzienych u Maskvie pieramoŭ z udziełam staršyni biełaruskaha kancerna Ihara Žylina i jaho namieśnika Uładzimira Vołkava, hiendyrektara AAT «Hrodna Azot» Kanstancina Majanava, pieršaha namieśnika načalnika
Havorka idzie pra sumiesnuju realizacyju inviestycyjnaha prajekta «Budaŭnictva azotnaha kompleksu ŭ AAT «Hrodna Azot». Dla ažyćciaŭleńnia damoŭlenaściaŭ stvarajecca rabočaja hrupa z pradstaŭnikoŭ kancerna «Biełnaftachim» i hrupy «Hazprom».
Jak paviedamlałasia raniej, prajekt budaŭnictva na pradpryjemstvie «Hrodna Azot» azotnaha kompleksu aceńvajecca ekśpiertami prykładna ŭ 1 miljard dołaraŭ. U vyniku jaho realizacyi vytvorčaść azotnych uhnajeńniaŭ pavinna vyraści bolš jak na 200 tysiač ton u hod. U liku vierahodnych partnioraŭ pa hetym prajekcie nazyvałasia rasijskaja kampanija «Jeŭrachim».
