Siońnia sud Partyzanskaha rajona Minska pryniaŭ rašeńnie ab vyzvaleńni Iryny Chalip ad kryminalnaha pakarańnia pa zakančeńni adterminoŭki prysudu.
Nahadajem, dva hady tamu, 16 maja 2011 hoda, sud Zavodskaha rajona Minska pryznaŭ I. Chalip vinavataj va ŭdziele ŭ masavych biesparadkach 19 śniežnia 2010 hoda i pryhavaryŭ jaje da dvuch hadoŭ pazbaŭleńnia voli z adterminoŭkaj vykanańnia pakarańnia na dva hady.
Adterminoŭka prysudu zakančvajecca 21 lipienia. Siońnia sud pavinien byŭ vyrašyć: vyzvalić žurnalistku, adpravić jaje ŭ kałoniju za nienaležnyja pavodziny ci pakinuć u ciapierašnim statusie jašče na niejki termin.
***
Paŭtorny razhlad spravy pačaŭsia a 10:00. Da budynku suda Partyzanskaha rajona Minska pryjšło šmat žurnalistaŭ, palitykaŭ i hramadskich dziejačaŭ, paviedamlaje Jeŭraradyjo.
11:00
Kryminalna-vykanaŭčaja inśpiekcyja prosić vyzvalić Chalip ad adbyćcia pakarańnia, prakuror padtrymaŭ. Chalip padtrymlivaje.
10:35
Vyjšła Chalip i paviedamiła, što sudździa častkova zadavoliła chadajnictva pra prysutnaść publiki. Paśla ŭsich (nie tolki žurnalistaŭ, ale i dypłamataŭ, i svajakoŭ Iryny Chalip) vyvieli z zały suda, paviedamlaje Jeŭraradyjo.
Znoŭ zapuskajuć ŭ zału, ale praz druhi ŭvachod. Praviarajuć rečy. Nie dazvalajuć prachodzić u zalu z noŭtbukami (Radyjo Svaboda).
Advakatu zrabili dva papiaredžańni, samu žurnalistku papiaredzi ab administracyjnaj adkaznaści za niepavahu da suda.
***
10:00
Irynu Chalip abaraniaje advakat Hanna Bachcina. Spravu razhladaje sudździa Ryta Šahraj. Praces zakryty.
Pierad pačatkam pracesu ŭ zału zajšło šmat žurnalistaŭ. Sakratar zahadała im vyjści, ale advakat zapiarečyła, što tolki sudździa moža pryniać rašeńnie ab niadopusku karespandentaŭ na praces.
Paśla hetaha sakratar syšła, a sudździa vyklikała Irynu Chalip razam z advakatam da siabie ŭ kabiniet. Pa sutnaści, praces prachodzić u zakrytym režymie:žurnalisty, svajaki i siabry Iryny znachodziacca ŭ zale, a sama Chalip u kabiniecie sudździ, paviedamlaje Jeŭraradyjo.
Jany sprabavali zrabić sud zakrytym, mianie nie vypuskajuć z-za niezrazumiełaj rašotki. Nie chaču, kab mianie sudziła admysłovaja trojka i bieź śviedak», -- napisała Iryna ŭ svaim fejsbuku.«Zajaviła chadajnictva ab advodzie sudździ i prakuroru, a taksama zajaviła ab daviery sudu.
***
Na sud pryjšło bolš za 20 čałaviek: svajaki, maci Andreja Sańnikava, Uładzimir Niaklajeŭ, Nasta Daškievič. Na sud pryjšoŭ Krystafier Panika, supracoŭnik ambasady ZŠA, piša Radyjo Svaboda.
Pierad pačatkam sudovaha pasiadžeńnia Iryna Chalip skazała, što śpiecyjalna apranułasia zručna, bo nie moža pradkazać vynik pracesu, ale rečaŭ z saboj nie brała, paviedamlaje Jeŭraradyjo.
Na 25 lipienia zapłanavany paŭtorny sud nad Uładzimiram Niaklajevym.
