Pamior słavuty italjanski tenar Lučana Pavaroci, paviedamiła ahienctva Agr z spasyłkaj na menedžera śpievaka. Śpiavak pajšoŭ z žyćcia na dośvitku ŭ čaćvier na 72-m hodzie žyćcia.

U časie raźvitalnaha kancertnaha turu ŭ červieni 2006 hodu ŭ śpievaka byŭ vyjaŭleny rak padstraŭnikavaj załozy. Pavaroci zrabili aperacyju, daktary davali aptymistyčnyja prahnozy. Adnak na pačatku žniŭnia 2007 —ha tenar znoŭ apynuŭsia ŭ špitali, dzie ciaham 17‑ci dzion prachodziŭ pracedury. Uviečary 5 vieraśnia stała viadoma, što stan zdaroŭja Pavaroci rezka pahoršyŭsia — u śpievaka admovili nyrki i jon upaŭ u komu.

Lučana Pavaroci naradziŭsia ŭ Modenie 12 kastryčnika 1935 hodu. Debiutavaŭ u 1961 hodzie ŭ roli Rudolfa ŭ “Cyhaneryi” Pučyni. Užo praz dva hady jon śpiavaŭ u Kovent-Harden. U 1965 hodzie – u milanskaj “La Skala”, a ŭ 1968-m hodzie — u “Metrapoliten”. Belkanta z operaŭ Belini, Daniceci, Rasini i Verdzi było jahonym kańkom. U jaho byŭ niazvykła mocny hołas, najšyrejšaha dyjapazonu, až da C2.

«Ja dasiahnuŭ u žyćci ŭsiaho, pra što tolki moh maryć, i navat bolšaha», — tak paru hadoŭ tamu skazaŭ pra siabie Lučana Pavaroci.

U 1980-90- hady jon pieranios zamkniony, elitarny śviet opery ŭ parki i na stadyjony. Śpiavaŭ pad Ejfelevaj viežaj, u Medysan Skver Harden i Centralnym parku ŭ Ńju-Jorku.

Miljony hladzieli kancerty “Troch tenaraŭ”, jakija jon davaŭ u kampanii aksamitnych hałasoŭ Plačyda Daminha i Chase Karerasa.

U 2006 hodzie Pavaroci zrabili aperacyju pa vydaleńni rakavaje puchliny, a niadaŭna jon znoŭ trapiŭ u špital z toj žy biadoj.

A hołas zastaniecca na zapisach...

Pavodle RIA Novosti, Radio Svoboda, Echo Moskvy

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?