Biełaruskaja pravasłaŭnaja carkva ctvaryła ŭ Minsku šeść błahačyńnickich akruhaŭ (abjadnoŭvajuć niekalki prychodaŭ, anałah u katalickaj carkvie — dekanat) dla aktyvizacyi carkoŭna-prychodskaha žyćcia, paviedamili ŭ pres-słužbie Minskaj jeparchii.
Jak rastłumačyli ŭ BPC, pieršaje błahačyńnie — Śviata-Duchaŭskaje — z centram u Śviata-Duchavym kafiedralnym sabory ŭklučaje ŭ siabie prychody, raźmieščanyja na terytoryi Centralnaha rajona. Błahačynny — protaijerej Hienadź Dzičkoŭski, nastajaciel zhadanaha sabora.
Błahačyńnie Radaść-Smutkujučaje z centram u prychodzie ikony Božaj Maci «Usich Smutkujučych Radaść» — heta prychody na terytoryi Frunzienskaha i Maskoŭskaha rajonaŭ. Błahačynnym staŭ protaijerej Ihar Karaścialoŭ, nastajaciel vyšejnazvanaha prychodu.
Jašče adna akruha — Alaksandra-Nieŭskaja (z centram u prychodzie kniazia Alaksandra Nieŭskaha) achoplivaje chramy Savieckaha rajona. Błahačynny — protaijerej Sierhij Kurakievič (nastajaciel prychoda chrama Alaksandra Nieŭskaha).
Centram Usichśviackaha błahačyńnia staŭ prychod u honar Usich śviatych (błahačynny — protaijerej Fiodar Poŭny). Jon achoplivaje Pieršamajski rajon stalicy.
Da piataha haradskoha błahačyńnia — Śviata-Hieorhijeŭskaha (z centram u adnajmiennym prychodzie) — adnosiacca Partyzanski i Zavodski rajony. Błahačynny — protaijerej Alaksandr Strecha.
Śviata-Nikolskaje błahačyńnie z centram u parafii Śviaciciela Mikałaja Cudatvorca ŭ mikrarajonie Sokał ŭklučaje ŭ siabie prychody, raźmieščanyja na terytoryi Kastryčnickaha i Leninskaha rajonaŭ. Jaho błahačynny — protaijerej Sierhij Komlik.
BiełTA
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
