Kniha pabačyła śviet u vydaviectvie «Knihazbor».
* * *
zabłukałym dziciom
šukajučy vyjście
sa svajho ladaščaha
lesu
ŭžo čuju
jak aściarožna
začyniajucca
drevy
Z anatacyi da knihi:
Aŭtar hetaj knihi niešmatsłoŭny — jon piša nie tolki vieršy, ale i maŭčańnie, u jakim jany hučać. Kiryła Anochin viedaje, čym i jak treba pacierci staroje, pakrytaje iržoj słova, kab jano ažyło i samo ździviłasia svajmu novamu isnavańniu. «Aściarožna, drevy začyniajucca» — heta chutčej zaklik da ŭvachodu, čym pieraściaroha, bo navat siezonnyja źmieny nadvorja tut robiacca cudam, jaki varta pieražyć razam z aŭtaram.
Pra aŭtara
Kirył Anochin naradziŭsia ŭ 1987 hodzie ŭ Minsku. U 2009 h. skončyŭ histaryčny fakultet BDU. Pieramožca fiestyvalu adnaho vierša (Minsk, 2011). Zacikaŭlenaści: vierlibry, muzyka, fiłasofija.
