DVA «Minskbud» hatova pryciahnuć na staličnyja budoŭli kala tysiačy budaŭnikoŭ z KNDR i Vjetnama. Pra heta na
Pavodle jaho słoŭ, užo siońnia ŭ abjadnańni pracuje prykładna 100 karejcaŭ. «Jany dobrasumlenna i jakasna vykonvajuć usie raboty», — padkreśliŭ hiendyrektar.
«Razumiejučy, što dla nas vialikaha reziervu ni ŭ Minsku, ni ŭ respublicy niama, na žal, tamu my rezierv zamiežnych budaŭnikoŭ trymajem dla taho, kab vykanać vialikija zadačy pa budaŭnictvie ŭ horadzie, jakija nam staviacca. My vymušanyja pryciahvać śpiecyjalistaŭ ź inšych krain», — padkreśliŭ Miłašeŭski.
U Minsku, adznačyŭ jon, pracujuć śpiecyjalisty z Ukrainy, Małdovy, prosiacca — z Tadžykistana.
«My b chacieli budavać rukami našych śpiecyjalistaŭ, kab jany atrymlivali hodnuju zarabotnuju płatu, ale zamiežnych hramadzian usio adno budziem pryciahvać, kab vyrašyć prablemu ź niedachopam biełaruskich śpiecyjalistaŭ», — adznačyŭ hiendyrektar.
U minułyja hady naziraŭsia vialiki adtok kadraŭ, padkreśliŭ Miłašeŭski. «My adnavili kolkaść u siaredzinie hetaha hoda, i siońnia jana nie pamianšajecca. My navat na 0,3–0,4% plusujem pa kadrach. Choć my z tryvohaj čakajem, što moža zdarycca znoŭ adtok u Rasiju. Tam budaŭničy rynak vielmi jomisty i moža ŭ luby čas zapatrabavać našych śpiecyjalistaŭ, jakich vielmi ceniać i ŭ Maskvie, i ŭ inšych rehijonach», — adznačyŭ hiendyrektar.
Kab nie adbyŭsia adtok kadraŭ, paviedamiŭ kiraŭnik «Minskbuda», ažyćciaŭlajecca šerah mier, siarod jakich budaŭnictva arendnaha žylla dla śpiecyjalistaŭ, davańnie im internataŭ, «sacyjalnyja pakiety» dla rabotnikaŭ i inšyja.
Taksama raście i ŭzrovień apłaty pracy. Siońnia siaredniaja zarpłata pa abjadnańni składaje prykładna 8 młn. rubloŭ. «Da kanca hoda my płanujem vyjści na siaredniuju zarpłatu na ŭzroŭni tysiačy dołaraŭ u ekvivalencie», — paviedamiŭ Miłašeŭski.
