U kniharniach źjaviŭsia čaćviorty tom z poŭnaha zboru tvoraŭ Uładzimira Karatkieviča, jaki ŭtrymlivaje ažno 862 staronki. Šmat kaho z čytačoŭ ździviła adsutnaść treciaha toma, adnak, jak paviedamiŭ hałoŭny redaktar vydaviectva «Mastackaja litaratura» Viktar Šnip, čakać adsutny tom varta ŭ kancy hoda.
«Anatol Vierabiej, jaki rychtavaŭ treci tom, znajšoŭ vielmi adroznyja redakcyi apaviadańniaŭ i kazak Karatkieviča, jakija musili ŭvajści ŭ treci tom, tamu my vyrašyli adkłaści jahony vychad. — raskazvaje spadar Šnip. — U čaćviortym tomie možna ŭbačyć ruskamoŭnuju «Priedystoriju», «Dzikaje palavańnie karala Stacha», «Maci Vietru» i inšyja prazaičnyja tvory. Što vielmi važna, usie teksty padajucca całkam, my viarnuli tyja rečy, jakija nie prapuściła savieckaja cenzura. Piaty i treci tamy taksama vyjduć sioleta».
