Pryčyna ŭ tym, što «adkryty novyja abstaviny spravy i adnoŭlena sudovaje śledstva». Pra heta Radyjo Svaboda paviedamiła presavy sakratar Viarchoŭnaha sudu Anastasija Cymanovič.
***
Praces pačaŭsia 4 vieraśnia. Vajskovaja kalehija Viarchoŭnaha Sudu pačała razhladać kryminalnuju spravu suprać čatyroch hramadzianaŭ Biełarusi. Usich abvinavačvajuć u zdradzie radzimie ŭ formie špijanažu. Pavodle śledstva, jany źbirali i pieradavali zamiežnaj dziaržavie źviestki na zadańnie zamiežnaj vyviedki.
Heta były major zbrojnych siłaŭ Uładzimier Ruskin, były major Viktar Bohdan, vajskoŭcy radyjotechničnaj bryhady vojskaŭ supraćpavietranaj abarony Biełarusi Pavał Piatkievič i Siarhiej Karnialuk.
Praces adbyvajecca za začynienymi dźviaryma. Advakaty padsudnych admaŭlalisia ad kamentaroŭ.
Pra zatrymańnie tak zvanaj «hrupy polskich špijonaŭ» KDB paviedamiŭ u lipieni.
